ДАКА. Колькасьць ахвяраў катастрофы парома, якая адбылася на мінулым тыдні ў Бангладэш, павялічылася да 300 чалавек пасьля правядзеньня пошукаў на борце затанулага парома. Паром затануў у выніку трапічнага шторму ў мінулую пятніцу. Прэм’ер-міністар Бангладэш Халеда Зія назваў няшчасны выпадак з паромам нацыянальнай трагедыяй і загадаў правесьці афіцыйнае расьсьледаваньне.
