ГААГА. Былы югаслаўскі прэзыдэнт Слабадан Мілошавіч сёньня ў часе судовага працэсу абвінаваціў альбанскіх нацыяналістаў у выгнаньні 40 тысячаў сэрбаў зь югаслаўскай правінцыі Косава ў пачатку 80-х гадоў. Такая заява была зробленая пасьля выступу першага сьведкі -- былога лідэра косаўскіх камуністаў Махмута Бакальлі. У сваю чаргу Бакальлі не пагадзіўся з гэтымі абвінавачаньнямі і назваў іх перабольшанай сэрбскай прапагандай.
Махмут Бакальлі ўсклаў на Мілошавіча асабістую адказнасьць за
сьмерць тысячаў альбанцаў.
