* МЕНСК. Сёньня каля 19 гадзіны паводле менскага часу адбыўся напад на галоўную сядзібу Задзіночаньня Беларускіх Студэнтаў. Невядомыя нападнікі ў масках, узброеныя нажом і манціроўкай, уварваліся ў памяшканьне, прымусілі прысутных легчы на падлогу, зьбілі некалькіх чалавек, забралі кампутары ды іншую аргтэхніку, разьбілі тэлефон і заявілі, што зьяртацца ў міліцыю няма сэнсу. Выкліканая пазьней міліцыя цікавілася пераважна палітычнымі поглядамі ахвяраў нападу.
