САРАЕВА. Ваенны прадстаўнік ЗША заявіў, што кіраўніцтва Босьніі перадало ваенным уладам Злучаных Штатаў шэсьць арабаў, затрыманых паводле падазрэньня ў сувязях з тэрарыстамі. Перадача адбылася праз дзень пасьля таго, як басьнійскі суд вызваліў гэтых людзей у выніку недахопу доказаў іхнай віны. Пяцёра алжырцаў і адзін еменец былі затрыманыя на пачатку кастрычніка. Паводле Вашынгтону, улады Босьніі-Гэрцагавіны і ЗША лічаць, што ўсе шасьцёра “усё яшчэ ўяўляюць істотную пагрозу”. Пра цяперашняе месца снаходжаньня арыштаваных не паведамляецца.
