МАХАЧКАЛА
Сёньня ў сталіцы Дагестану працягваўся судовы працэс над чачэнскімі палявымі камандзірамі Салманам Радуевым ды іншымі. Падчас допыту Радуеў не прызнаў сабе вінаватым у арганізацыі тэрарыстычнага акту. Маецца на ўвазе, захоп чачэнскімі баявікамі ў 1996 годзе дагестанскага гораду Кізьляр, падчас якога загінула каля 80 расейскіх вайскоўцаў і звыш 100 цывільных жыхароў. На працэсе іншы чачэнскі палявы камандзір Турпал-Алі Атгерыяў заявіў, што летам 1999 году ён папярэдзіў расейскае кіраўніцтва аб падрыхтоўццы нападу чачэнскіх баявікоў на Дагестан. Былы прэм’ер-міністр Расеі Сяргей Сцяпашын абверг гэтае сьцверджаньне.
