НАЙРОБІ. Амэрыканская амбасада ў Кеніі паведаміла, што ў атрыманым ёю падазроным лісьце ня знойдзена сьлядоў бактэрыі антраксу. У лісьце, дасланым са Злучаных Штатаў, быў знойдзены белы парашок, у якім спачатку нібыта былі выяўленыя споры антраксу. Аднак усе паўторныя тэсты далі нэгатыўны вынік. Такім чынам, дагэтуль не зарэгістравана ніводнага выпадку выяўленьня бактэрый антраксу ў лістах за межамі Злучаных Штатаў.
