ЕРУСАЛІМ. Прэм’ер-міністар Ізраілю Арыэль Шарон ізноў заявіў, што перамовы ў справе мірнага разьвязаньня на Блізкім Усходзе магчымыя толькі пасьля таго, як палестынца спыняць гвалт. Палестынскае кіраўніцтва дамагаецца адначасовага абмеркаваньня пытаньняў бясьпекі і мірнага разьвязаньня. Учора міністар замежных справаў Ізраілю Шымон Пэрас падцьвердзіў свой намер сустрэцца з кіраўніком Палестынскае Аўтаноміі Ясірам Арафатам у наступным тыдні. Паводле ізраільскага боку яны абмяркуюць пытаньні спыненьня вагню і захады ў справе даверу. Паводле палестынскага боку, дакладная дата сустрэчы будзе прызначаная заўтра -–пасьля перамоваў Ясіра Арафата з сябрам кіраўніцтва Эўразьвязу Гаўерам Саланам.
