ВАШЫНГТОН. Прэзыдэнт ЗША Джордж Буш выказаў глыбокую занепакоенасьць у сувязі з апошнімі дадзенымі пра рост беспрацоўя ў Злучаных Штатах і зьвярнуўся да Кангрэсу з заклікам – падтрымаць ягоны плян стварэньня новых працоўных месцаў.
Буш папрасіў у Кангрэсу дадатковых паўнамоцтваў – наўпрост заключаць гандлёвыя зьдзелкі зь іншымі краінамі, каб пашырыць экспарт.
У чацьвер на фінансавых біржах Заходняй Эўропы і ЗША ў пятніцу адбылося рэзкае падзеньне курсу акцыяў. У Нью-Ёрку індэкс Доў-Джонса зьнізіўся амаль на 2 адсоткі.
Аглядальнікі зьвязваюць гэта з апошнімі дадзенымі пра рост беспрацоўя ў Злучаных Штатах, узровень якога склаў 4,9 адсотка, што ўяўляе сабою найвышэйшы паказьнік за апошнія чатыры гады.