ДУРБАН (ПАЎДЗЁННАЯ АФРЫКА). На Канфэрэнцыі ААН Супраць Расізму краіны Эўрапейскага Зьвязу пагадзіліся выказаць прабачэньні за стагодзьдзі рабства і каляніялізму, а арабскія краіны зьнялі сваё ранейшае патрабаваньне асудзіць Ізраіль як расісцкую дзяржаву. Прадстаўнік Пакістану ад імя мусульманскіх краін сказаў, што гэтая саступка была зробленая дзеля агульнага посьпеху канфэрэнцыі. Тэкст фармулёўкі наконт рабства яшчэ ўзгадняецца.
