ВАШЫНГТОН. Прадстаўнік Дзярждэпартаманту ЗША Рычард Баўчар заявіў, што Злучаныя Штаты працягнуць супрацоўніцтва з Расеяй у пытаньні новай сыстэмы супрацьракетнай абароны.
Паводле Баўчара, амэрыканскія і расейскія экспэрты ладзяць “інтэнсыўныя кансультацыі” па праблеме супрацьракетнай абароны. Чарговы раўнд адбудзецца на наступным тыдні ў Лёндане.
Баўчар адзначыў, што Вашынгтон імкнецца распрацаваць новыя межы стратэгічнай бясьпекі, якія адпавядалі б узроўню супрацоўніцтва з Масквой.
Гэтую заяву Баўчар зрабіў у сувязі з надрукаваным у чацьвер у газэце “Вашынгтон Поўст” выказваньнем намесьніка сакратара Рады Бясьпекі Расеі Алега Чарнова пра тое, што дзеля ўрэгуляваньня праблемы можа спатрэбіцца год ці нават болей.
