Пра гэта паведаміў у інтэрвію Інтэрфаксу сьледчы Менскай гарадзкой пракуратуры Аляксандар Пікараў. Выступаючы ў праграме “Зеркало” 21 лютага, Лябедзька казаў пра прэзыдэнцкі фонд і крыніцы паступленьня ў яго грошай. Пракуратура на падставе гэтага выступу палітыка распачала супраць яго крымінальную справу паводле артыкулу – паклёп на прэзыдэнта Беларусі.
Паведамляецца, што ў запыце менскай пракуратуры ў маскоўскую пракуратуру ўтрымліваецца просьба дапытаць ня толькі Нікалая Сванідзэ, але і іншых ўдзельнікаў перадачы, што прайшла 21 лютага.