Пра свае новыя правы і абавязкі абраны старшыня яшчэ нічога канкрэтнага ня ведае, але практычную карысьць з гэтых выбараў палітык Віктар Івашкевіч бачыць наступным чынам:
(Івашкевіч: ) “Гэта тэхналёгія перамогі на лякальных выбарах. Добрыя ўзаемаадносіны, заснаваныя на ўзаемных нейкіх інтарэсах і павазе, зь мясцовымі аўтарытэтнымі людзьмі, нефармальна аўтарытэтнымі, якія даюць інфармацыю электарату, за каго ім галасаваць, і тады электарат, арыентуючыся на гэтую параду нефармальных лідэраў, стопрацэнтна галасуе за ўказаную кандыдатуру.
Самае галоўнае для кіраўнікоў партыяў і партыйных актывістаў – наладжваць вось такія сувязі зь мясцовымі аўтарытэтнымі людзьмі, якія ёсьць у кожнай мясцовай грамадзянскай супольнасьці”.