Сябры дэлегацыі ПА Рады Эўропы сустракаліся сёньня са старшынём г.зв. "Палаты прадстаўнікоў" Анатолям Малафеявым, прэм'ерам Уладзімерам Ярмошыным, а таксама з сем'ямі зьняволеных і зьніклых апазыцыянэраў ды праваабаронцамі. Пасьля гэтых сустрэчаў старшыня дэлегацыі Тэры Дэйвіс даў інтэрвію нашаму радыё. (Карэспандэнт: ) "Спадар Дэйвіс, скажыце калі ласка, якія праблемы вы абмяркоўвалі з прадстаўнікамі ўладаў і грамадзкасьці, і якія зрабілі высновы пасьля гэтых сустрэчаў?" (Дэйвіс: ) "Сустрэча са спадаром Ярмошыным была вельмі цікаваю. Мы сказалі яму, што вельмі расчараваныя вынікам грамадзкага дыялёгу. Ён папрасіў прывесьці канкрэтныя прыклады, і мы яму іх прывялі. Прыклады гэтыя тычацца пытаньняў СМІ й прэсы. Мы толькі што правялі сустрэчу з прадстаўнікамі праваабарончых арганізацыяў і з роднымі тых, хто знаходзіцца ў турмах ці зьнік. Інфармацыя ад праваабаронцаў была вельмі карыснаю, мы слухалі вельмі ўважліва й выказалі сваю салідарнасьць зь сем'ямі зьняволеных і тых, хто зьнік. Мы таксама выказалі сваё расчараваньне тым, што міліцыя да гэтага часу ня здолела расьсьледаваць гэтыя справы". (Карэспандэнт: ) "Раней дэлегацыі міжнародных арганізацыяў ня вельмі ймкнуліся сустрэцца з прадстаўнікамі г. зв. "Нацыянальнага сходу Беларусі", легітымнасьць якога даволі сумніўная. Чым была выкліканая сустрэча вашае дэлегацыі з Анатолям Малафеявым?" (Дэйвіс: ) "У Беларусі мы размаўляем з кожным. Самае важнае для нас, гэта будучыня беларускага народу, і мяне мала хвалююць усе гэтыя юрыдычныя моманты. У нас была вельмі шчырая, адкрытая і крытычная дыскусія са спадаром Малафеявым і ягонымі калегамі. Гэта не азначае, што мы пагадзіліся з тым, што пачулі. Гэта проста азначае, што ў нас быў адкрыты абмен думкамі. І спадар Малафеяў, і ягоныя калегі сказалі, што зразумелі сілу й глыбіню нашых пачуцьцяў і што будуць думаць над тым, што мы гаварылі. Я быў задаволены гэтым адказам, таму што людзі, якія згаджаюцца надта лёгка, гатовыя пагадзіцца на ўсё". На пытаньні нашага радыё адказваў старшыня палітычнага камітэту Парлямэнцкай асамблеі Рады Эўропы Тэры Дэйвіс.
Сябры дэлегацыі ПА Рады Эўропы сустракаліся сёньня са старшынём г.зв. "Палаты прадстаўнікоў" Анатолям Малафеявым, прэм'ерам Уладзімерам Ярмошыным, а таксама з сем'ямі зьняволеных і зьніклых апазыцыянэраў ды праваабаронцамі. Пасьля гэтых сустрэчаў старшыня дэлегацыі Тэры Дэйвіс даў інтэрвію нашаму радыё. (Карэспандэнт: ) "Спадар Дэйвіс, скажыце калі ласка, якія праблемы вы абмяркоўвалі з прадстаўнікамі ўладаў і грамадзкасьці, і якія зрабілі высновы пасьля гэтых сустрэчаў?" (Дэйвіс: ) "Сустрэча са спадаром Ярмошыным была вельмі цікаваю. Мы сказалі яму, што вельмі расчараваныя вынікам грамадзкага дыялёгу. Ён папрасіў прывесьці канкрэтныя прыклады, і мы яму іх прывялі. Прыклады гэтыя тычацца пытаньняў СМІ й прэсы. Мы толькі што правялі сустрэчу з прадстаўнікамі праваабарончых арганізацыяў і з роднымі тых, хто знаходзіцца ў турмах ці зьнік. Інфармацыя ад праваабаронцаў была вельмі карыснаю, мы слухалі вельмі ўважліва й выказалі сваю салідарнасьць зь сем'ямі зьняволеных і тых, хто зьнік. Мы таксама выказалі сваё расчараваньне тым, што міліцыя да гэтага часу ня здолела расьсьледаваць гэтыя справы". (Карэспандэнт: ) "Раней дэлегацыі міжнародных арганізацыяў ня вельмі ймкнуліся сустрэцца з прадстаўнікамі г. зв. "Нацыянальнага сходу Беларусі", легітымнасьць якога даволі сумніўная. Чым была выкліканая сустрэча вашае дэлегацыі з Анатолям Малафеявым?" (Дэйвіс: ) "У Беларусі мы размаўляем з кожным. Самае важнае для нас, гэта будучыня беларускага народу, і мяне мала хвалююць усе гэтыя юрыдычныя моманты. У нас была вельмі шчырая, адкрытая і крытычная дыскусія са спадаром Малафеявым і ягонымі калегамі. Гэта не азначае, што мы пагадзіліся з тым, што пачулі. Гэта проста азначае, што ў нас быў адкрыты абмен думкамі. І спадар Малафеяў, і ягоныя калегі сказалі, што зразумелі сілу й глыбіню нашых пачуцьцяў і што будуць думаць над тым, што мы гаварылі. Я быў задаволены гэтым адказам, таму што людзі, якія згаджаюцца надта лёгка, гатовыя пагадзіцца на ўсё". На пытаньні нашага радыё адказваў старшыня палітычнага камітэту Парлямэнцкай асамблеі Рады Эўропы Тэры Дэйвіс.