Пасьля падпісаньня дамовы адбылася прэсавая канфэрэнцыя Аляксандра Лукашэнкі. У прыватнасьці, ён заявіў, што Беларусь не баіцца апынуцца разам з Расеяй у прыгнечаным стане адносна Захаду. "Нас і так ужо сёньня прыгнятаюць, што далей няма куды", – сказаў ён. Адказваючы на пытаньне пра фінансавую дапамогу Захаду Беларускаму Народнаму Фронту, якому, нібыта, перадаюць штогод 5 мільёнаў даляраў, Лукашэнка сказаў, што на апазыцыю траціцца "невымерна больш". Закранаючы вайсковую сфэру, Лукашэнка заявіў, што сумесная беларуска-расейская групоўка будзе абараняць Расею ад Рыгі да Адэсы і кантраляваць, фактычна, усю тэрыторыю за акіянам. Таксама паведамляецца пра падтрымку беларуска-расейскага саюзу шэрагам расейскіх палітыкаў – сьпікерам Дзярждумы Селязнёвым, кіраўніком Рады Фэдэрацыі Строевым, мэрам Масквы Лужковым, а таксама старшынём Вярхоўнай Рады Ўкраіны Аляксандрам Ткачэнкам. Амбасадар ЗША ў Беларусі Даніэл Спэкхард заявіў сёньня, што стварэньне саюзнай дзяржавы можа негатыўна паўплываць на эканоміку Беларусі. Амбасадар падкрэсьліў, што расейскія падаткі і тарыфы на экспарт-імпарт непрымальныя да Беларусі. Назваўшы Аляксандра Лукашэнку "моцным палітыкам", які шчыра спачувае свайму народу, палітыку кіраўніцтва Беларусі да апазыцыі амэрыканскі дыплямат назваў жахлівай.
Пасьля падпісаньня дамовы адбылася прэсавая канфэрэнцыя Аляксандра Лукашэнкі. У прыватнасьці, ён заявіў, што Беларусь не баіцца апынуцца разам з Расеяй у прыгнечаным стане адносна Захаду. "Нас і так ужо сёньня прыгнятаюць, што далей няма куды", – сказаў ён. Адказваючы на пытаньне пра фінансавую дапамогу Захаду Беларускаму Народнаму Фронту, якому, нібыта, перадаюць штогод 5 мільёнаў даляраў, Лукашэнка сказаў, што на апазыцыю траціцца "невымерна больш". Закранаючы вайсковую сфэру, Лукашэнка заявіў, што сумесная беларуска-расейская групоўка будзе абараняць Расею ад Рыгі да Адэсы і кантраляваць, фактычна, усю тэрыторыю за акіянам. Таксама паведамляецца пра падтрымку беларуска-расейскага саюзу шэрагам расейскіх палітыкаў – сьпікерам Дзярждумы Селязнёвым, кіраўніком Рады Фэдэрацыі Строевым, мэрам Масквы Лужковым, а таксама старшынём Вярхоўнай Рады Ўкраіны Аляксандрам Ткачэнкам. Амбасадар ЗША ў Беларусі Даніэл Спэкхард заявіў сёньня, што стварэньне саюзнай дзяржавы можа негатыўна паўплываць на эканоміку Беларусі. Амбасадар падкрэсьліў, што расейскія падаткі і тарыфы на экспарт-імпарт непрымальныя да Беларусі. Назваўшы Аляксандра Лукашэнку "моцным палітыкам", які шчыра спачувае свайму народу, палітыку кіраўніцтва Беларусі да апазыцыі амэрыканскі дыплямат назваў жахлівай.