Рэакцыя на разгон і арышты мірных дэманстрантаў у Менску ды іншых гарадох
Беларусі намесніка старшыні камісіі замежных справаў літоўскага Сойму Ігнацаса
Уждавеніса.
(Уждавеніс: ) “Мы, літоўцы, абсалютна не абыякавыя да таго, што адбываецца
ў Беларусі. Беларусь – наш сусед, і да таго ж мы, літоўцы, добра ведаем
беларускі народ. Гэта вельмі мірны, сяброўскі народ. Гэта ўнутрана вельмі
дэмакрытычны народ. І тое, што робіць у дачыненьні да свайго народу беларускі
рэжым, я не магу назваць інакш як генацыд.
Але ўсё роўна, нягледзячы на рэпрэсіі, мы бачым, што беларускі народ
змагаецца. Беларускі народ поўны рашучасьці быць незалежным, жыць у дэмакратычнай
дзяржаве, жыць у сям’і эўрапейскіх народаў.
Для нас, літоўцаў, рэжым Лукашэнкі нелігетымны. Мы яго не прызнаем і
не падтрымліваем кантактаў зь ягонымі прадстаўнікамі. Лукашэнка выразна
парушыў канстытуцыю сваёй краіны і ўзурпаваў уладу.
Я мяркую, што моц рэжыму Лукашэнукі заснаваная на падтрымцы Расеі. Нават
мяжа зь Літвой ахоўваецца расейскімі сіламі.
Але побач з гэтым негатыўным момантам я бачу і іншы, вельмі пазытыўны.
Беларускі народ уздымаецца з каленяў. І раней ці пазней гэты рух супраць
рэжыму Лукашэнкі ператворыцца ў такую сілу, што дэмакратыя ў Беларусі пераможа”.
Гутарыў
Мікола Іваноў