Актывісты незарэгістраванай арганізацыі «Малады фронт» аблілі настойкай валяр’яны помнік Леніна на плошчы Незалежнсьці.
«Мэта акцыі — заахвоціць катоў і котак з навакольных тэрыторыяў прыйсьці пад помнік тырану і «выказаць свае пачуцьці», — паведамляе сайт МФ.
Актывіст МФ, былы палітвязень Уладзімер Яроменак быў затрыманы аховай Дому ўраду каля помніка падчас падрыхтоўкі да гэтай акцыі. Яроменка будуць судзіць 8 лістапада.
Летась актывісты МФ закідалі помнік Леніна яйкамі
Беларусь — адзіная краіна на постсавецкай прасторы, дзе 7 лістапада па-ранейшаму называецца Днём Кастрычніцкай рэвалюцыі, носіць статус дзяржаўнага сьвята і зьяўляецца выходным днём.
7 лістапада ў Менску на плошчы Незалежнасьці прайшлі афіцыйныя мерапрыемствы з выпадку гадавіны Кастрычніцкага перавароту
