На паўночным усходзе ЗША і ў Канадзе ахвярамі магутнага шторму «Сэндзі» сталі ўжо 16 чалавек, паведамляюць заходнія тэлеканалы і інфармагенцтвы.
Ураган «Сэндзі»
Прэзыдэнт ЗША Барак Абама заявіў, што ў штатах Нью-Ёрк і Нью-Джэрсі сытуацыя ацэньваецца як «маштабная катастрофа» — гэтая ацэнка прадугледжвае, што пацярпелыя могуць разьлічваць на фінансавую дапамогу дзяржавы.
Каля 6 мільёнаў чалавек у 7-мі штатах ЗША застаюцца без электрычнасьці. У штаце Нью-Джэрсі пад пагрозай затапленьня апынулася атамная электрастанцыя. Як паведаміў мэр Нью-Ёрку Майкл Блумбэрг, з-за абрыву ліній электраперадач у горадзе і ваколіцах адзначана мноства пажараў, у асноўным невялікіх.
Дзясяткі тысяч людзей былі эвакуаваныя або добраахвотна пакінулі небясьпечныя раёны. Раней на выспах Карыбскага мора ў выніку шторму «Сэндзі», які меў тады сілу урагану, загінулі каля 60 чалавек.
Your browser doesn’t support HTML5
ЗША: Ахвярамі «Сэндзі» сталі як меней 16 чалавек