Учора ў Мёрах былі затрыманыя маладафронтаўцы Раман Васільеў і Зьміцер Крамянецкі, паведамляе прэс-служба Маладога Фронту.
У часе вяртаньня зь вясельля маладафронтаўца Мікалая Дземідзенкі машыну, у якой ехаў у сталіцу Васільеў, спынілі на выездзе зь Мёраў, а хлопца затрымалі. Побач з кавярняй, дзе адзначалі вясельле, затрымалі і маладафронтаўца Зьмітра Крамянецкага. На абодвух хлопцаў склалі пратаколы паводле арт.17.1 КпАП — быццам бы за лаянку матам. Суд адбудзецца ў панядзелак у Мёрах.
Такім чынам адбылося чарговае прэвэнтыўнае затрыманьне актывістаў перад традыцыйнай акцыяй «Дзяды», якая праходзіць сёньня.
Раман Васільеў цягам 2012 году правёў у арышце агулам 107 сутак, нагадвае сайт Маладога Фронту.
Такім чынам адбылося чарговае прэвэнтыўнае затрыманьне актывістаў перад традыцыйнай акцыяй «Дзяды», якая праходзіць сёньня.
Раман Васільеў цягам 2012 году правёў у арышце агулам 107 сутак, нагадвае сайт Маладога Фронту.