На паседжаньні Палітычнага камітэту Парлямэнцкай асамблеі Рады Эўропы падтрымалі кандыдатуру кіраўніка Праваабарончага цэнтру «Вясна» Алеся Бяляцкага на атрыманьне Нобэлеўскай прэміі міру 2013 году.
Як паведамляе карэспандэнт ИТАР-ТАСС са Страсбура, кандыдатура Алеся Бяляцкага знайшла аднагалосную падтрымку сябраў камітэту ПАРЭ. Гэтае рашэньне было агучанае на пленарнай сэсіі ПАРЭ.
Упершыню вылучыць беларускага праваабаронцу прапанавала ў студзені гэтага году група дэмакратаў і лібэралаў у Асамблеі. Тады адпаведную пэтыцыю падпісаў 41 дэпутат. Пасьля гэтую ідэю ўхваліў дакладчык ПАРЭ па Беларусі, эстонскі дэпутат Андрэс Хэркель.
Алеся Бяляцкага таксама намінавалі 190 дэпутатаў польскага Сэйму і Сэнату, 5 дэпутатаў украінскай Вярхоўнай Рады. Асобныя намінацыі Бяляцкага накіравалі ў Нобэлеўскі камітэт дэпутаты парлямэнтаў Чэхіі, Славаччыны, Нарвэгіі, а таксама прэм’ер-міністар Славаччыны Івэта Радзічава, ляўрэат Нобэлеўскай прэміі міру 2003 году з Ірану Шырын Эбадзі.
Усяго на Нобэлеўскую прэмію міру 2012 году разам зь Бяляцкім быў вылучаны 231 намінант — 188 чалавек і 43 арганізацыі з усіх куткоў сьвету. Сярод іх яшчэ адзін палітвязень — экс-прэм’ер ураду Ўкраіны Юлія Цімашэнка, а таксама — былы прэзыдэнт ЗША Біл Клінтан, былы канцлер ФРГ Гельмут Коль, амэрыканскі салдат Брэдлі Мэнінг, якога абвінавачваюць у выдачы сакрэтных дакумэнтаў для сайту WikiLeaks, прэзыдэнт Тунісу Мунсыф Марзукі, дысыдэнты з Кубы Асвальда Пая і Ёані Санчэс. Сярод вылучаных на прэмію арганізацыяў — Эўразьвяз, расейскі Праваабарончы цэнтар «Мэмарыял», тэлеканал «Аль-Джазіра».
Рашэньне Нобэлеўскага камітэту чакаецца ў кастрычніку.
Справа Бяляцкага
Кіраўнік праваабарончага цэнтру «Вясна» Алесь Бяляцкі асуджаны на 4,5 года турмы ў лістападзе летась. Яго прызналі вінаватым у нясплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на ягоныя рахункі, ішлі на праваабарончую дзейнасьць.
Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.
Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.
Упершыню вылучыць беларускага праваабаронцу прапанавала ў студзені гэтага году група дэмакратаў і лібэралаў у Асамблеі. Тады адпаведную пэтыцыю падпісаў 41 дэпутат. Пасьля гэтую ідэю ўхваліў дакладчык ПАРЭ па Беларусі, эстонскі дэпутат Андрэс Хэркель.
Алеся Бяляцкага таксама намінавалі 190 дэпутатаў польскага Сэйму і Сэнату, 5 дэпутатаў украінскай Вярхоўнай Рады. Асобныя намінацыі Бяляцкага накіравалі ў Нобэлеўскі камітэт дэпутаты парлямэнтаў Чэхіі, Славаччыны, Нарвэгіі, а таксама прэм’ер-міністар Славаччыны Івэта Радзічава, ляўрэат Нобэлеўскай прэміі міру 2003 году з Ірану Шырын Эбадзі.
Усяго на Нобэлеўскую прэмію міру 2012 году разам зь Бяляцкім быў вылучаны 231 намінант — 188 чалавек і 43 арганізацыі з усіх куткоў сьвету. Сярод іх яшчэ адзін палітвязень — экс-прэм’ер ураду Ўкраіны Юлія Цімашэнка, а таксама — былы прэзыдэнт ЗША Біл Клінтан, былы канцлер ФРГ Гельмут Коль, амэрыканскі салдат Брэдлі Мэнінг, якога абвінавачваюць у выдачы сакрэтных дакумэнтаў для сайту WikiLeaks, прэзыдэнт Тунісу Мунсыф Марзукі, дысыдэнты з Кубы Асвальда Пая і Ёані Санчэс. Сярод вылучаных на прэмію арганізацыяў — Эўразьвяз, расейскі Праваабарончы цэнтар «Мэмарыял», тэлеканал «Аль-Джазіра».
Рашэньне Нобэлеўскага камітэту чакаецца ў кастрычніку.
Справа Бяляцкага
Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.
Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.