14 верасьня 2011 году палітвязень Мікалай Дзядок у Магілёўскай калёніі пабраўся шлюбам з Валерыей Хоцінай. За год шлюбу маладыя бачыліся толькі 3 разы на кароткачасовых спатканьнях.
І жонка Мікалая Валерыя не спадзяецца на хуткую сустрэчу з мужам, бо пры канцы траўня ён на паўгода быў зьмешчаны ў так званае памяшканьне камэрнага тыпу Шклоўскай калёніі.
У камэры-адзіночцы Мікалай Дзядок прабудзе да 6 сьнежня. Ён пазбаўлены спатканьняў і харчовых перадач, яму ўрэзана так званая «атаварка».
У Мікалая — больш за дзясятак спагнаньняў за парушэньні рэжыму, і, на думку Валерыі, яму пагражае перавод у «крытую турму».
13 верасьня палітвязьня наведаў адвакат. Адвакат кажа, што настрой у Мікалая бадзёры, ён чакае ад родных бандэролю з кнігамі.
27 траўня 2011 году Мікалай Дзядок быў асуджаны на 4,5 года пазбаўленьня волі (па так званай «справе анархістаў» разам зь Ігарам Аліневічам і Аляксандрам Францкевічам). Адбывае пакараньне ў Шклоўскай калёніі.
У камэры-адзіночцы Мікалай Дзядок прабудзе да 6 сьнежня. Ён пазбаўлены спатканьняў і харчовых перадач, яму ўрэзана так званая «атаварка».
У Мікалая — больш за дзясятак спагнаньняў за парушэньні рэжыму, і, на думку Валерыі, яму пагражае перавод у «крытую турму».
13 верасьня палітвязьня наведаў адвакат. Адвакат кажа, што настрой у Мікалая бадзёры, ён чакае ад родных бандэролю з кнігамі.
27 траўня 2011 году Мікалай Дзядок быў асуджаны на 4,5 года пазбаўленьня волі (па так званай «справе анархістаў» разам зь Ігарам Аліневічам і Аляксандрам Францкевічам). Адбывае пакараньне ў Шклоўскай калёніі.