Алесь Чумакоў: У нас людзі Лявоніху адпляскаць ня могуць
Your browser doesn’t support HTML5
Алесь Чумакоў нарадзіўся ў Менску ў 1981-м годзе.
Скончыў Беларускі дзяржаўны ўнівэрсытэт інфарматыкі і радыёэлектронікі. Паводле адукацыі інжынэр па аўтаматычным кіраваньні і перакладчык з замежных моваў.
Падчас студэнцтва быў актыўным удзельнікам клюбаў аўтарскай песьні «Плёс», КАП БДУ і клюбу аўтарскай песьні Лінгвістычнага ўнівэрсытэту.
Выконваў са сцэны творы клясыкаў і сучасьнікаў. Большасьць песень у студэнцкія гады пісаў на расейскай мове.
У 2002 г. зрабіўся сталым удзельнікам гурту сярэднявечнай музыкі «Стары Ольса», дзе і па сёньня сьпявае, грае на гусьлях, жалейках і шматлікіх іншых старадаўніх інструмэнтах.
У 2005 г. стварыў гурт «Келіх кола», зь якім і сёньня выконвае на ўдзе і гусьлях беларускія народныя танцы.
У 2006 г. нарадзілася ідэя перакласьці ірляндзкія гераічныя паэтычныя творы на беларускую мову. Сёньня гурт «Ceilidh Ceol» голасам Алеся Чумакова сьпявае на беларускай мове старадаўнія ірляндзкія песьні, у якіх гучыць заклік да свабоды і ўшаноўваецца памяць продкаў.
З 2010 г. Алесь Чумакоў канцэртуе таксама і як сольны выканаўца сваіх песень.
