Праграма ўяўляе самой некалькіхвілінныя аўдыёбайкі зь відэшэрагам на актуальныя тэмы тыдня. Героі перадачы — высокапастаўленыя дзяржаўныя чыноўнікі, палітыкі, актывісты апазыцыі і БРСМ, дзеячы мастацтва, спартоўцы і журналісты.
Уступ-прэзэнтацыя новай праграмы:
Your browser doesn’t support HTML5
Vinsent - Цырк за дротам. Intro / Уступ
Перадачы будуць выходзіць па аўторках-серадах у эфіры, на сайце www.svaboda.org, а таксама ў суполках Свабоды вКонтакте, Фэйсбуку і twitter. Аўдыё можна слухаць і спампоўваць на сайце ці вКонтакте, відэа — на youtube.
Слухачы, чытачы, а галоўнае — сябры суполак «Свабоды» у сацыяльных сетках могуць прапаноўваюць свае тэмы і сюжэтныя павароты для наступных выпускаў. Аўтары найбольш цікавых ідэяў атрымаюць падарункі ад Радыё Свабода.
Першы выпуск можна паслухаць у аўдыёфармаце:
Your browser doesn’t support HTML5
Vinsent - Цырк за дротам ч.1. Плюшавы дэсант
Дзьмітры Папко (творчы псэўданім Vinsent) стаў вядомы дзякуючы сваім палітычным песьням у стылі рэп. Дэбютны альбом — «Пачатак». Апошні год выступае «жывым» складам. Зьняўся ў фільме Андрэя Курэйчыка «Вышэй за неба», а таксама сыграў галоўную ролю ў фільме «Жыве Беларусь!», прэм’ера якога чакаецца ўвосень.
У інтэрвію «Свабодзе» Vinsent падзяліўся думкамі пра новую праграму.
Радыё Свабода: Чаму «Цырк за дротам»?
Vinsent
Vinsent: «За дротам», бо ўсё гэта адбываецца ва ўмовах несвабоды. Гэта перафразаваны выраз «цырк на дроце». У Беларусі вельмі часта здараюцца абсурдныя сытуацыі. Усё гэта разам складваецца у своеасаблівае цыркавое прадстаўленьне.
Радыё Свабода: Калі ў двух словах, то аб чым перадача?
Vinsent: Калі коратка, то пішацца і абыгрываецца пэўная гісторыя, пэўны сюжэт з рэальнага жыцьця, зьмяшаны з мастацкай выдумкай. Тэмы выдумвае само жыцьцё, актуальныя беларускія падзеі паўстаюць у форме фэльетону і фарсу. Героі — гэта непасрэдна ньюсмэйкеры, якія чымсьці праславіліся, ці «праславіліся» за апошні час.
Беларусам неабходная «кропля сацыяльнага пазытыву». Грамадзтва закансэрваванае, дыхаць цяжка.
Радыё Свабода: Дык, можна сказаць, гэта працяг ці ўсё ж новае ўвасабленьне Vinsent’a?
Vinsent: У творчым пляне праект «Цырк за дротам» ня мае нічога агульнага зь песьнямі Vinsent’a, бо як Vinsent я прадстаўляю зусім іншыя мастацкія формы. «Цырк за дротам» зьяўляецца маім сайд-праектам. Абсалютна новы для мяне жанр — сатыра, але я з энтузіязмам узяўся за рэалізацыю гэтага шоў.
Радыё Свабода: А швэды, чаму менавіта яны сталі героямі першага выпуску?
Vinsent: Таму што гэта самая яскравая падзея за апошні час. Нашае шоў будзе закранаць актуальныя цікавыя тэмы. І важна, што слухачы змогуць прапаноўваць свае тэмы для рубрыкі. Будзем у шчыльным кантакце з аўдыторыяй.