Намесьнік старшыні «Маладога фронту» Наста Палажанка зьвярнулася з адкрытым лістом да беларускіх апазыцыйных палітыкаў і простых грамадзянаў.
Наста Палажанка шчыра прызнаецца, што падставай да звароту стала адсутнасьць выразнай рэакцыі палітыкаў на зьвесткі пра тое, што Зьмітру Дашкевічу, якога трымаюць у глыбоцкай калёніі, пагражае падаўжэньне тэрміну зьняволеньня.
«Цяпер Зьмітру пагражае дадатковы год турмы. Камусьці гэты тэрмін можа падацца малым — маўляў, час ляціць так хутка!.. Узгадайце выцвілыя вочы, зьнясіленую постаць многіх тых, хто выйшаў з турмы праз год пасьля выбараў-2010 — нават год у зьняволеньні здольны зьнішчыць чалавека. Ды не дадуць Змітру новы тэрмін, не асьмеляцца — можаце сказаць вы. А чаму не дадуць? Ці нашыя ўлады ня здольныя катаваць людзей да бясконцасьці?
Калісьці мужны Мікіта Ліхавід адмовіўся падпарадкоўвацца ўсім турэмным патрабаваньням, ён праседзеў звыш 2,5 месяцаў у ШЫЗА. Зьміцер ужо адседзеў агулам год у ШЫЗА і камэры крытага тыпу. Можа, хопіць?»
Наста Палажанка заклікае палітыкаў, журналістаў і ўсіх неабыякавых людзей актывізаваць змаганьне за вызваленьне палітвязьняў, у тым ліку і Зьмітра Дашкевіча. Нявеста палітвязьня згадвае, што Зьміцер у турме абвясьціў, што ня будзе падпарадкоўвацца ўсім незаконным загадам адміністрацыі. Гэта азначае для яго новы ціск і правакацыі, мяркуе Наста Палажанка.
Старшыня «Маладога фронту» Зьміцер Дашкевіч адбывае 2 гады зьняволеньня паводле абвінавачаньня ў хуліганстве. Днямі зьявілася інфармацыя, што ў глыбоцкай калёніі вядзецца праверка, па выніках якой Зьмітру Дашкевічу могуць павялічыць тэрмін яшчэ на год за парушэньні турэмнага рэжыму.
«Цяпер Зьмітру пагражае дадатковы год турмы. Камусьці гэты тэрмін можа падацца малым — маўляў, час ляціць так хутка!.. Узгадайце выцвілыя вочы, зьнясіленую постаць многіх тых, хто выйшаў з турмы праз год пасьля выбараў-2010 — нават год у зьняволеньні здольны зьнішчыць чалавека. Ды не дадуць Змітру новы тэрмін, не асьмеляцца — можаце сказаць вы. А чаму не дадуць? Ці нашыя ўлады ня здольныя катаваць людзей да бясконцасьці?
Калісьці мужны Мікіта Ліхавід адмовіўся падпарадкоўвацца ўсім турэмным патрабаваньням, ён праседзеў звыш 2,5 месяцаў у ШЫЗА. Зьміцер ужо адседзеў агулам год у ШЫЗА і камэры крытага тыпу. Можа, хопіць?»
Наста Палажанка заклікае палітыкаў, журналістаў і ўсіх неабыякавых людзей актывізаваць змаганьне за вызваленьне палітвязьняў, у тым ліку і Зьмітра Дашкевіча. Нявеста палітвязьня згадвае, што Зьміцер у турме абвясьціў, што ня будзе падпарадкоўвацца ўсім незаконным загадам адміністрацыі. Гэта азначае для яго новы ціск і правакацыі, мяркуе Наста Палажанка.
Старшыня «Маладога фронту» Зьміцер Дашкевіч адбывае 2 гады зьняволеньня паводле абвінавачаньня ў хуліганстве. Днямі зьявілася інфармацыя, што ў глыбоцкай калёніі вядзецца праверка, па выніках якой Зьмітру Дашкевічу могуць павялічыць тэрмін яшчэ на год за парушэньні турэмнага рэжыму.