9 ліпеня завяршаецца фармаваньне акруговых выбарчых камісіяў. Прадстаўнікі апазыцыі ў склад выбаркамаў трапілі — па некалькі чалавек на вобласьць. Найбольш апазыцыянэраў будзе ў камісіях у Менску — 13 чалавек, але гэта меней, чым было ў 2008 годзе.
Фаварыты пры прызначэньні сябраў акруговых выбарчых камісіяў — па-ранейшаму БРСМ, «Белая Русь», афіцыйныя прафсаюзы і вэтэраны. Ад апазыцыі трапляюць адзінкі.
Як паведаміла «Свабодзе» назіральніца ад кампаніі «Праваабаронцы за свабодныя выбары» Валянціна Сьвяцкая, пасяджэньне прэзыдыюму Менскага гарсавету і гарвыканкаму доўжылася каля 45 хвілін. Кандыдатуры ў склад акруговых камісіяў фактычна не абмяркоўваліся, удзельнікі паседжаньня галасавалі за сьпіс, падрыхтаваны так званай працоўнай групай.
Усяго ў Менску было зацьверджана 20 камісіяў па 13 чалавек. Ад апазыцыі ў іх уключылі 13 вылучэнцаў: 7 ад партыі «Справядлівы сьвет», 4 — ад БНФ, ад Грамады і АГП — па адным. Валянціна Сьвяцкая:
Як вынікае з папярэдніх падлікаў, у параўнаньні з парлямэнцкімі выбарамі 2008 году сытуацыя пагоршылася. Тады ў менскія камісіі ўключылі 20 апазыцыянэраў, цяпер — 13. У Гомельскай вобласьці ў акруговыя камісіі ў 2008 годзе ўключылі 13 апазыцыянэраў, цяпер — 3. Аналягічная сытуацыя і ў іншых абласьцях.
Гаворыць Валянцін Стэфановіч з кампаніі «Праваабаронцы за свабодныя выбары»:
Каардынатар кампаніі «За справядлівыя выбары» Сяргей Калякін кажа, што толькі ў Берасьці пры зацьвярджэнні сябраў камісій была дыскусія, пасьля якой колькасьць апазыцыянэраў у камісіях павялічылася. Агулам жа ўлады па-ранейшаму дыскрымінавалі апазыцыю:
Сакратар ЦВК Мікалай Лазавік запэўніў, што партыйная квота ў адну трэцюю частку складу выбарчых камісіяў будзе выкананая:
«Калі браць аднаго чалавека ад тысячы, то якраз партыі знаходзяцца ў больш выгадных умовах, чым такія масавыя, як прафсаюзныя і моладзевыя арганізацыі ў Рэспубліцы Беларусь».
Мікалай Лазавік пацьвердзіў «Свабодзе», што ён і старшыня ЦВК Лідзія Ярмошына атрымалі візы, каб паехаць у Вену, дзе адбудзецца канфэрэнцыя па праблеме назіраньня за выбарамі ў краінах АБСЭ.
«Натуральна, што ўдваіх мы не зьяжджаем, хтосьці адзін мусіць застацца „на гаспадарцы“. Паедзе Лідзія Міхайлаўна, а я застануся тут. Тым больш што ў нас ужо пачалася выбарчая кампанія, неабходна будзе вырашаць нейкія бягучыя пытаньні».
Усе выбарчыя кампаніі, якія праходзяць у Беларусі ад 1996 году, былі прызнаныя АБСЭ несвабоднымі і несправядлівымі. За гэта старшыня Цэнтравыбаркаму Лідзія Ярмошына і сакратар ЦВК Мікалай Лазавік былі ўнесеныя ў сьпісы неўязных у краіны Эўразьвязу і ЗША. Аднак візавая забарона ня дзейнічае, калі запрашаюць міжнародныя арганізацыі, разьмешчаныя на тэрыторыі краін Эўразьвязу ці ЗША.
Як паведаміла «Свабодзе» назіральніца ад кампаніі «Праваабаронцы за свабодныя выбары» Валянціна Сьвяцкая, пасяджэньне прэзыдыюму Менскага гарсавету і гарвыканкаму доўжылася каля 45 хвілін. Кандыдатуры ў склад акруговых камісіяў фактычна не абмяркоўваліся, удзельнікі паседжаньня галасавалі за сьпіс, падрыхтаваны так званай працоўнай групай.
Усяго ў Менску было зацьверджана 20 камісіяў па 13 чалавек. Ад апазыцыі ў іх уключылі 13 вылучэнцаў: 7 ад партыі «Справядлівы сьвет», 4 — ад БНФ, ад Грамады і АГП — па адным. Валянціна Сьвяцкая:
Валянціна Сьвяцкая
«Усё адбываецца прыблізна гэтаксама, як і ў папярэднія выбарчыя кампаніі, калі апазыцыя была ў абсалютнай меншасьці. Цяпер крыху больш уключылі ў параўнаньні зь мінулай прэзыдэнцкай выбарчай кампаніяй, бо тады там увогуле амаль нікога з апазыцыі не было, акрамя Менскай гарадзкой камісіі, куды ўключылі трох апазыцыянэраў».Як вынікае з папярэдніх падлікаў, у параўнаньні з парлямэнцкімі выбарамі 2008 году сытуацыя пагоршылася. Тады ў менскія камісіі ўключылі 20 апазыцыянэраў, цяпер — 13. У Гомельскай вобласьці ў акруговыя камісіі ў 2008 годзе ўключылі 13 апазыцыянэраў, цяпер — 3. Аналягічная сытуацыя і ў іншых абласьцях.
Гаворыць Валянцін Стэфановіч з кампаніі «Праваабаронцы за свабодныя выбары»:
Валянцін Стэфановіч
«На жаль, нічога новага мы не назіраем у параўнаньні з папярэднімі выбарамі. Зноўку кідаецца ў вочы, што паседжаньні адбываюцца вельмі хутка. У Гомельскай вобласьці 13 хвілінаў ішло. Кандыдатуры не абмяркоўваліся, нягледзячы на тое, што конкурс быў. Сьпісы, узгодненыя з выканкамамі, зацьвярджаюцца, і зноў бачым, што асноўнымі арганізатарамі выбараў выступаюць чатыры няўрадавыя арганізацыі: Фэдэрацыя прафсаюзаў, БРСМ, „Белая Русь“ і вэтэранская арганізацыя».Каардынатар кампаніі «За справядлівыя выбары» Сяргей Калякін кажа, што толькі ў Берасьці пры зацьвярджэнні сябраў камісій была дыскусія, пасьля якой колькасьць апазыцыянэраў у камісіях павялічылася. Агулам жа ўлады па-ранейшаму дыскрымінавалі апазыцыю:
Сяргей Калякін
«У цэлым магу сказаць, што ўлады правалілі гэты першы экзамэн на тое, што яны зьбіраюцца праводзіць раўнапраўныя выбары. Ужо сёньня можна сказаць, што, напрыклад, на Гомельшчыне толькі ў 20 працэнтах акруговых камісіяў будуць прадстаўнікі апазыцыі».Сакратар ЦВК Мікалай Лазавік запэўніў, што партыйная квота ў адну трэцюю частку складу выбарчых камісіяў будзе выкананая:
«Калі браць аднаго чалавека ад тысячы, то якраз партыі знаходзяцца ў больш выгадных умовах, чым такія масавыя, як прафсаюзныя і моладзевыя арганізацыі ў Рэспубліцы Беларусь».
Мікалай Лазавік пацьвердзіў «Свабодзе», што ён і старшыня ЦВК Лідзія Ярмошына атрымалі візы, каб паехаць у Вену, дзе адбудзецца канфэрэнцыя па праблеме назіраньня за выбарамі ў краінах АБСЭ.
«Натуральна, што ўдваіх мы не зьяжджаем, хтосьці адзін мусіць застацца „на гаспадарцы“. Паедзе Лідзія Міхайлаўна, а я застануся тут. Тым больш што ў нас ужо пачалася выбарчая кампанія, неабходна будзе вырашаць нейкія бягучыя пытаньні».
Усе выбарчыя кампаніі, якія праходзяць у Беларусі ад 1996 году, былі прызнаныя АБСЭ несвабоднымі і несправядлівымі. За гэта старшыня Цэнтравыбаркаму Лідзія Ярмошына і сакратар ЦВК Мікалай Лазавік былі ўнесеныя ў сьпісы неўязных у краіны Эўразьвязу і ЗША. Аднак візавая забарона ня дзейнічае, калі запрашаюць міжнародныя арганізацыі, разьмешчаныя на тэрыторыі краін Эўразьвязу ці ЗША.