Міжнародная фэдэрацыя правоў чалавека (МФПЧ) асуджае прысуд, вынесены 24 лістапада ў Менску яе віцэ-прэзыдэнту, праваабаронцу Алесю Бяляцкаму.
"Мы асуджаем рашэньне беларускай сыстэмы правасудзьдзя як палітычна матываванае, – гаворыцца ў заяве прэзыдэнта МФПЧ Сухайр Белхасэн. – Слуханьні, які прайшлі ў судзе, яшчэ раз пацьвердзілі, што гэтая справа была санкцыянавана непасрэдна рэжымам. Мы асьцерагаемся, што іншыя актывісты праваабарончага цэнтру «Вясна» таксама могуць стаць ахвярамі гэтых рэпрэсій. Мы зноў выказваем сваю салідарнасьць з Алесем, яго сям'ёй і ўсімі праваабаронцамі".
Белхасэн падкрэсьлівае, што ў Беларусі праваабарончым арганізацыям "сыстэматычна адмаўляюць у праве на існаваньне". "Беларускія законы і іх ужываньне ўладамі парушаюць міжнародныя прававыя стандарты. Праваабарончыя арганізацыі не рэгіструюць, а артыкул 193.1 Крымінальнага кодэкса крыміналізуе дзейнасьць незарэгістраваных арганізацый", - канстатуе кіраўніца МФПЧ.
Алесь Бяляцкі, віцэ-прэзідэнт МФПЧ і кіраўнік зачыненага ўладамі праваабарончага цэнтру "Вясна", знаходзіцца пад арыштам з 4 жніўня. Сёньня суд Першамайскага раёну Менску прысудзіў яго да чатырох з паловай гадоў пазбаўленьня волі ў калёніі ўзмоцненага рэжыму з канфіскацыяй маёмасьці. Праваабаронца прызнаны вінаватым па частцы 2 артыкула 243 Крымінальнага кодэксу (ўтойваньне даходаў у асабліва буйным памеры). Довады падсуднага аб тым, што сродкі, якія пералічваюцца на банкаўскія рахункі Бяляцкага ў Літве і Польшчы, не зьяўляліся яго асабістым прыбыткам, суд палічыў неабгрунтаванымі.
"Мы асуджаем рашэньне беларускай сыстэмы правасудзьдзя як палітычна матываванае, – гаворыцца ў заяве прэзыдэнта МФПЧ Сухайр Белхасэн. – Слуханьні, які прайшлі ў судзе, яшчэ раз пацьвердзілі, што гэтая справа была санкцыянавана непасрэдна рэжымам. Мы асьцерагаемся, што іншыя актывісты праваабарончага цэнтру «Вясна» таксама могуць стаць ахвярамі гэтых рэпрэсій. Мы зноў выказваем сваю салідарнасьць з Алесем, яго сям'ёй і ўсімі праваабаронцамі".
Белхасэн падкрэсьлівае, што ў Беларусі праваабарончым арганізацыям "сыстэматычна адмаўляюць у праве на існаваньне". "Беларускія законы і іх ужываньне ўладамі парушаюць міжнародныя прававыя стандарты. Праваабарончыя арганізацыі не рэгіструюць, а артыкул 193.1 Крымінальнага кодэкса крыміналізуе дзейнасьць незарэгістраваных арганізацый", - канстатуе кіраўніца МФПЧ.
Алесь Бяляцкі, віцэ-прэзідэнт МФПЧ і кіраўнік зачыненага ўладамі праваабарончага цэнтру "Вясна", знаходзіцца пад арыштам з 4 жніўня. Сёньня суд Першамайскага раёну Менску прысудзіў яго да чатырох з паловай гадоў пазбаўленьня волі ў калёніі ўзмоцненага рэжыму з канфіскацыяй маёмасьці. Праваабаронца прызнаны вінаватым па частцы 2 артыкула 243 Крымінальнага кодэксу (ўтойваньне даходаў у асабліва буйным памеры). Довады падсуднага аб тым, што сродкі, якія пералічваюцца на банкаўскія рахункі Бяляцкага ў Літве і Польшчы, не зьяўляліся яго асабістым прыбыткам, суд палічыў неабгрунтаванымі.