Ушаноўваючы памяць паўстанцаў у Сьвіслачы актывісты з многіх гарадоў Беларусі называлі цяперашніх палітвязьняў і згінулых палітыкаў прадаўжальнікамі справы Кастуся Каліноўскага. Увесь час на мэрапрыемствах прысутнічалі “людзі ў цывільным”, усе дзеі здымаліся на камэру міліцэйскага апэратара.
29 кастрычніка ў Сьвіслачы каля сотні чалавек адзначылі Дзень памяці ўскладаньнем кветак да магілы Віктара Каліноўскага, бюста Кастуся Каліноўскага і помніка Рамуальду Траўгуту, а таксама наведалі сядзібу Каліноўскіх у Якушоўцы.
Яшчэ да пачатку мэрапрыемства, побач з царквой на гарадзкіх могілках, дзе знаходзіцца магіла Віктара Каліноўскага, сабраўшыхся папярэдзіў начальнік раённай міліцыі, каб не парушалі парадку, бо ў іх маўляў, маецца інфармацыя, што ў горадзе плянуецца правядзеньне несанкцыянаванай акцыі.
Лідэр АГП Анатоль Лябедзька адзначыў у сваім выступе, што справа паўстанцаў 1863 года дагэтуль захоўвае сваю актуальнасьць:
“У першую чаргу я адзначаю тых, хто аддаў тое, што даецца чалавеку Богам – гэта жыцьцё. Гэта Юры Захаранка і Віктар Ганчар, а таксама нашы калегі, якія сёньня знаходзяцца ў вязьніцы: Андрэй Саньнікаў, Зьміцер Дашкевіч, Зьміцер Бандарэнка, Мікола Статкевіч і іншыя, вызваленьня якіх мы павінны дабівацца”.
Былы палітвязень Алесь Кіркевіч з Горадні, наведаўшы сядзібу Каліноўскіх у Якушоўцы, казаў пра тое, што “Малады фронт” традыцыйна прымае тут прысягу на вернасьць радзіме. У яго быў вельмі ўзнёслы настрой і я запытаўся - што ён зараз адчувае ў гэтых мясьцінах?
“Адчуваю дух нашых герояў, якія ёсьць прыкладам для нас праз стагодзьдзі, тых герояў, якія сваімі учынкамі і дзеямі клічуць на працягу соцень гадоў людзей працягваць іх справу, справу незалежнай Беларусі – вяртаньне сапраўднай незалежнасьці”.
Арганізатары традыцыйна ва ўсіх месцах распавядалі пра гісторыю паўстаньня, пра людзей, якія бралі ў ім удзел, побач з кожным помнікам удзельнікі мэрапрыемства разгортвалі бел-чырвона-белыя сьцягі. Краязнаўца і публіцыст Уладзімер Хільмановіч прапанаваў у наступным годзе прыбрацца на ўсіх магілках паўстанцаў ва ўсёй Беларусі:
“Зрабіць гэта ў сувязі з тым, каб яшчэ праз год у 2013 годзе ўшанаваць памяць паўстанцаў на ўсіх магілах у розных рэгіёнах Беларусі. І каб гэта акцыя расьцягнулася на ўвесь год у розныя месяцы і ў розных мясцовасьцях, а скончылася тут у Сьвіслачыў агульным адзначэньнем 150-х угодкаў паўстаньня падчас традыцыйнага фэсту.”
Дзень памяці паўстанцаў 1863 года ў Сьвіслачы адзначаецца штогод пачынаючы з 1996 года пасьля таго, як гарадзенскія актывісты адшукалі там магілу Віктара Каліноўскага і ўпарадкавалі яе.
Нягледзячы, што сёньня ўвесь час за ўдзельнікамі мэрапрыемства сачылі “людзі ў цывільным”, нікога не затрымлівалі.
29 кастрычніка ў Сьвіслачы каля сотні чалавек адзначылі Дзень памяці ўскладаньнем кветак да магілы Віктара Каліноўскага, бюста Кастуся Каліноўскага і помніка Рамуальду Траўгуту, а таксама наведалі сядзібу Каліноўскіх у Якушоўцы.
Яшчэ да пачатку мэрапрыемства, побач з царквой на гарадзкіх могілках, дзе знаходзіцца магіла Віктара Каліноўскага, сабраўшыхся папярэдзіў начальнік раённай міліцыі, каб не парушалі парадку, бо ў іх маўляў, маецца інфармацыя, што ў горадзе плянуецца правядзеньне несанкцыянаванай акцыі.
Лідэр АГП Анатоль Лябедзька адзначыў у сваім выступе, што справа паўстанцаў 1863 года дагэтуль захоўвае сваю актуальнасьць:
“У першую чаргу я адзначаю тых, хто аддаў тое, што даецца чалавеку Богам – гэта жыцьцё. Гэта Юры Захаранка і Віктар Ганчар, а таксама нашы калегі, якія сёньня знаходзяцца ў вязьніцы: Андрэй Саньнікаў, Зьміцер Дашкевіч, Зьміцер Бандарэнка, Мікола Статкевіч і іншыя, вызваленьня якіх мы павінны дабівацца”.
Каля бюста Кастусю Каліноўскаму прамаўляе Анатоль Лябедзька
Былы палітвязень Алесь Кіркевіч з Горадні, наведаўшы сядзібу Каліноўскіх у Якушоўцы, казаў пра тое, што “Малады фронт” традыцыйна прымае тут прысягу на вернасьць радзіме. У яго быў вельмі ўзнёслы настрой і я запытаўся - што ён зараз адчувае ў гэтых мясьцінах?
“Адчуваю дух нашых герояў, якія ёсьць прыкладам для нас праз стагодзьдзі, тых герояў, якія сваімі учынкамі і дзеямі клічуць на працягу соцень гадоў людзей працягваць іх справу, справу незалежнай Беларусі – вяртаньне сапраўднай незалежнасьці”.
Арганізатары традыцыйна ва ўсіх месцах распавядалі пра гісторыю паўстаньня, пра людзей, якія бралі ў ім удзел, побач з кожным помнікам удзельнікі мэрапрыемства разгортвалі бел-чырвона-белыя сьцягі. Краязнаўца і публіцыст Уладзімер Хільмановіч прапанаваў у наступным годзе прыбрацца на ўсіх магілках паўстанцаў ва ўсёй Беларусі:
“Зрабіць гэта ў сувязі з тым, каб яшчэ праз год у 2013 годзе ўшанаваць памяць паўстанцаў на ўсіх магілах у розных рэгіёнах Беларусі. І каб гэта акцыя расьцягнулася на ўвесь год у розныя месяцы і ў розных мясцовасьцях, а скончылася тут у Сьвіслачыў агульным адзначэньнем 150-х угодкаў паўстаньня падчас традыцыйнага фэсту.”
Дзень памяці паўстанцаў 1863 года ў Сьвіслачы адзначаецца штогод пачынаючы з 1996 года пасьля таго, як гарадзенскія актывісты адшукалі там магілу Віктара Каліноўскага і ўпарадкавалі яе.
Нягледзячы, што сёньня ўвесь час за ўдзельнікамі мэрапрыемства сачылі “людзі ў цывільным”, нікога не затрымлівалі.
Ускладаньне кветак да помніка Рамуальда Траўгута
Побач з магілай Віктара Каліноўскага на могілках у Сьвіслачы