Былы кандыдат на прэзыдэнта Мікола Статкевіч падчас працы на лесапілцы атрымаў траўму рукі і цяпер знаходзіцца ў турэмным шпіталі.
Марыне Адамовіч, жонцы былога кандыдата на прэзыдэнта Міколы Статкевіча, чарговы раз адмовілі ў спатканьні. Больш за месяц ад палітвязьня няма лістоў. А днямі стала вядома, што Мікола быў траўмаваны падчас працы на лесапілцы і цяпер знаходзіцца ў турэмным шпіталі. Гэтую навіну паведаміла не адміністрацыя шклоўскай калёніі, а людзі, якія бачылі Міколу ў турме, паведаміла "Свабодзе" Марына Адамовіч:
"Стала вядома, і гэтая інфармацыя пацьверджаная, што Мікалай атрымаў траўму і зараз знаходзіцца ў турэмным шпіталі. Траўма зьвязаная з працоўнай дзейнасьцю: яму раздрабіла, раструшчыла ці моцна прыціснула — я ня ведаю дакладна — руку на лесапілцы. Дзякуй Богу, што я і так пра гэта ведаю — мне ж ніхто не паведаміў, як і бацьку старому. Гэта нагода для таго, што я зараз буду рабіць чарговую сэрыю зваротаў і прасіць дапамогі з боку нашых сяброў і партнэраў".
У самой калёніі і шпіталі даведацца пра няшчасны выпадак са Статкевічам пакуль не ўдаецца -- тэлефоны адміністрацыі не адказваюць.
Нядаўна са шклоўскай турмы выйшаў на волю палітвязень Алег Гнедчык. Паводле яго, вартаснай мэдычнай дапамогі ў турэмным шпіталі атрымаць нельга:
"Рэальнай мэдычнай дапамогі там няма. Калі што сур’ёзнае здараецца, то яны вязуць у мясцовы шпіталь у Шклове. Хоць насамрэч — хворых павінны перавозіць у Менск на Валадарскага. А шпіталь, які там ёсьць, ён ніякі".
Як паведаміў Алег Гнедчык, адміністрацыя калёніі цісьне на палітвязьняў, і асабліва пасьля візыту ў Шклоў Аляксандра Лукашэнкі. Але пісаць прашэньне аб памілаваньні на ягонае імя пагадзіліся ня ўсе, хто асуджаны за Плошчу. Па-ранейшаму адмаўляецца гэта рабіць яшчэ адзін вязень шклоўскай турмы, зьняволены на тры гады Ўладзімер Лобан. Пра гэта ён паведаміў падчас нядаўняга тэлефанаваньня, кажа сястра Ўладзімера Сьвятлана Лобан:
"Я ў яго запытваюся: табе прапаноўвалі пісаць просьбу пра памілаваньне Лукашэнку? Ён кажа — так. Я пытаюся — дык чаму ты не напісаў? А ён адказвае — ты нічога не разумееш, усё, пакуль, — і кладзе слухаўку. Я ўжо другі раз спрабавала закрануць гэтую тэму, але ён ня хоча пра гэта са мной размаўляць. Ён ня тое што ня хоча, ён кажа — ты што, не разумееш, што ўсё праслухоўваецца? І хочаш, каб я табе ўсё распавёў? Каб больш не казала ніякіх глупстваў. У яго проста гонар, што, маўляў, як я буду прыніжацца перад Лукашэнкам. Ня хоча прыніжацца".
Адмаўляецца пісаць просьбу аб памілаваньні яшчэ адзін удзельнік падзеяў 19 сьнежня, вязень магілёўскай турмы Алег Федаркевіч. З-за гэтага ён атрымаў спагнаньне з боку адміністрацыі калёніі, паведаміла "Свабодзе" ягоная сваячка Вольга Ўладзіміраўна:
"Ён не падпісаў паперу пра памілаваньне, якую прапаноўвалі, і пакуль не падпісвае. А за тое, што не падпісаў, яму далі вымову — склалі рапарт пра тое, што ён нібыта спаў днём. Я так разумею, што адміністрацыя калёніі хацела, каб гэтыя паперы былі падпісаныя. Але некаторыя ўпіраюцца, хочуць, каб іх вызвалілі бяз гэтага прыніжальнага прашэньня аб памілаваньні, бо ня лічаць сябе вінаватымі. А прапаноўвалі, выглядае, ім усім. Ён тэлефанаваў на мінулым тыдні, і я пытаюся: калі ты там падпішаш ужо прашэньне ды выйдзеш? А ён жартуе — пакуль сала ня зьем, якое вы мне перадалі, ня выйду. Колькі яны яшчэ пратрымаюцца, ня ведаю. І ці будуць яны падпісваць гэтыя прашэньні, ці іх вызваляць так — гэта невядома".
За ўдзел у акцыі пратэсту супраць фальсыфікацыі прэзыдэнцкіх выбараў 19 сьнежня Алег Федаркевіч быў асуджаны на 3,5 года турмы.
Марыне Адамовіч, жонцы былога кандыдата на прэзыдэнта Міколы Статкевіча, чарговы раз адмовілі ў спатканьні. Больш за месяц ад палітвязьня няма лістоў. А днямі стала вядома, што Мікола быў траўмаваны падчас працы на лесапілцы і цяпер знаходзіцца ў турэмным шпіталі. Гэтую навіну паведаміла не адміністрацыя шклоўскай калёніі, а людзі, якія бачылі Міколу ў турме, паведаміла "Свабодзе" Марына Адамовіч:
"Стала вядома, і гэтая інфармацыя пацьверджаная, што Мікалай атрымаў траўму і зараз знаходзіцца ў турэмным шпіталі. Траўма зьвязаная з працоўнай дзейнасьцю: яму раздрабіла, раструшчыла ці моцна прыціснула — я ня ведаю дакладна — руку на лесапілцы. Дзякуй Богу, што я і так пра гэта ведаю — мне ж ніхто не паведаміў, як і бацьку старому. Гэта нагода для таго, што я зараз буду рабіць чарговую сэрыю зваротаў і прасіць дапамогі з боку нашых сяброў і партнэраў".
У самой калёніі і шпіталі даведацца пра няшчасны выпадак са Статкевічам пакуль не ўдаецца -- тэлефоны адміністрацыі не адказваюць.
Нядаўна са шклоўскай турмы выйшаў на волю палітвязень Алег Гнедчык. Паводле яго, вартаснай мэдычнай дапамогі ў турэмным шпіталі атрымаць нельга:
"Рэальнай мэдычнай дапамогі там няма. Калі што сур’ёзнае здараецца, то яны вязуць у мясцовы шпіталь у Шклове. Хоць насамрэч — хворых павінны перавозіць у Менск на Валадарскага. А шпіталь, які там ёсьць, ён ніякі".
Як паведаміў Алег Гнедчык, адміністрацыя калёніі цісьне на палітвязьняў, і асабліва пасьля візыту ў Шклоў Аляксандра Лукашэнкі. Але пісаць прашэньне аб памілаваньні на ягонае імя пагадзіліся ня ўсе, хто асуджаны за Плошчу. Па-ранейшаму адмаўляецца гэта рабіць яшчэ адзін вязень шклоўскай турмы, зьняволены на тры гады Ўладзімер Лобан. Пра гэта ён паведаміў падчас нядаўняга тэлефанаваньня, кажа сястра Ўладзімера Сьвятлана Лобан:
"Я ў яго запытваюся: табе прапаноўвалі пісаць просьбу пра памілаваньне Лукашэнку? Ён кажа — так. Я пытаюся — дык чаму ты не напісаў? А ён адказвае — ты нічога не разумееш, усё, пакуль, — і кладзе слухаўку. Я ўжо другі раз спрабавала закрануць гэтую тэму, але ён ня хоча пра гэта са мной размаўляць. Ён ня тое што ня хоча, ён кажа — ты што, не разумееш, што ўсё праслухоўваецца? І хочаш, каб я табе ўсё распавёў? Каб больш не казала ніякіх глупстваў. У яго проста гонар, што, маўляў, як я буду прыніжацца перад Лукашэнкам. Ня хоча прыніжацца".
Адмаўляецца пісаць просьбу аб памілаваньні яшчэ адзін удзельнік падзеяў 19 сьнежня, вязень магілёўскай турмы Алег Федаркевіч. З-за гэтага ён атрымаў спагнаньне з боку адміністрацыі калёніі, паведаміла "Свабодзе" ягоная сваячка Вольга Ўладзіміраўна:
"Ён не падпісаў паперу пра памілаваньне, якую прапаноўвалі, і пакуль не падпісвае. А за тое, што не падпісаў, яму далі вымову — склалі рапарт пра тое, што ён нібыта спаў днём. Я так разумею, што адміністрацыя калёніі хацела, каб гэтыя паперы былі падпісаныя. Але некаторыя ўпіраюцца, хочуць, каб іх вызвалілі бяз гэтага прыніжальнага прашэньня аб памілаваньні, бо ня лічаць сябе вінаватымі. А прапаноўвалі, выглядае, ім усім. Ён тэлефанаваў на мінулым тыдні, і я пытаюся: калі ты там падпішаш ужо прашэньне ды выйдзеш? А ён жартуе — пакуль сала ня зьем, якое вы мне перадалі, ня выйду. Колькі яны яшчэ пратрымаюцца, ня ведаю. І ці будуць яны падпісваць гэтыя прашэньні, ці іх вызваляць так — гэта невядома".
За ўдзел у акцыі пратэсту супраць фальсыфікацыі прэзыдэнцкіх выбараў 19 сьнежня Алег Федаркевіч быў асуджаны на 3,5 года турмы.