У Менску адбыўся вайсковы парад з нагоды Дня незалежнасьці. Відовішча сабрала невялікую колькасьць гледачоў, многія зь якіх прыйшлі па разнарадцы. Арганізатары сьвяткаваньня і міліцыя зрабілі ўсё, каб на сьвяткаваньне ня трапілі і ня выказалі маўклівы пратэст прыхільнікі суполкі «Рэвалюцыя праз сацыяльныя сеткі». Некалькі чалавек, якія спрабавалі аплядысмэнтамі выказаць сваю пазыцыю, міліцыянты затрымалі.
Каб трапіць да месца правядзеньня параду — абэліску «Менск — горад-герой», — трэба было прайсьці празь пільны дагляд спэцслужбаў. Акрамя пропуску праз рамкі-мэталашукальнікі, міліцыянты глядзелі, што ў людзей у кішэнях і сумках: забіралі бутэлькі зь пітвом, сьцізорыкі, пілкі для пазногцяў і касмэтычныя нажніцы. Усё гэта адразу выкідалася ў сьметніцу, вярнуць забранае было немагчыма.
Кожнага, хто праходзіў, здымалі на відэа супрацоўнікі спэцслужбаў. Далей людзі шыхтаваліся калёнамі пад расьцяжкамі з назвамі раёнаў Менску, чырвона-зялёнымі дзяржаўнымі сьцягамі, сьцягамі БРСМ і «Белай Русі». Усё гэта адбывалася пад праліўным дажджом. Паводле розных ацэнак, паглядзець парад прыйшлі ад 5 да 10 тысяч чалавек. Усе яны месьціліся недалёка ад галоўнай трыбуны.
Перад самым парадам прыбылі Аляксандар Лукашэнка з малодшым сынам Мікалаем. Абодва былі ў параднай вайсковай форме з маршальскімі пагонамі.
Такім чынам, вайсковы парад прымалі два Лукашэнкі, бацька Аляксандар і сын Мікалай. Яны амаль сынхронна ўздымалі рукі да фуражкі і пілёткі, салютуючы войскам.
Аляксандар Лукашэнка выступіў з палітычнай прамовай:
«Нам узмоцнена і мэтанакіравана навязваюць бессаромныя сцэнары каляровых рэвалюцый, напісаныя пад капірку ў сталіцах асобных краін. Мы разумеем, што мэта гэтых атак — пасеяць няўпэўненасьць і трывогу, разбурыць грамадзкую згоду і ў канчатковым выніку паставіць нас на калені і зьвесьці да нуля ўсе заваёвы незалежнасьці. Гэтаму не бываць».
Выступ Лукашэнкі трыбуны сустрэлі моўчкі. На заключную ягоную рэпліку «Ура, таварышы!» на трыбунах нехта адазваўся: «У ладкі ня пляскаць, а то за вушы выведуць».
Гледачы на трыбунах пераважна прадстаўлялі дзяржаўныя прадпрыемствы і арганізацыі. Гутару зь людзьмі:
Карэспандэнтка: «Скажыце, калі ласка, як вы прыйшлі на парад: зь сям’ёй, зь сябрамі, з калегамі?».
Спадарыня: «Мы ад дзяржаўнага прадпрыемства «ЦУМ».
Карэспандэнтка: «Ці шмат тут вас?».
Спадарыня: «Так, шмат. Каля тысячы чалавек».
Карэспандэнтка: «А вашы сем’і?».
Іншая спадарыня: «На лецішчы. Каля тэлевізараў некаторыя сядзяць — хто дзе — адпачываюць».
Карэспандэнтка: «А самі прыйшлі б, каб ня з працы?».
Усе разам: «Не, не, не прыйшлі б. Наўрад ці атрымалася б».
Карэспандэнтка: «Напярэдадні сьвяткаваньняў гаварылася пра тое, што парад — гэта дарагая імпрэза і яе ня варта праводзіць. Што вы пра гэта думаеце?».
Спадар: «Думаю, што трэба было — для людзей гэта сьвята».
Карэспандэнтка: «А чаму тады ніхто не апладзіраваў?».
Спадар: «Так, я не апладзіраваў. Ніхто не апладзіраваў».
Карэспандэнтка: «А чаму?».
Спадар: «Баяцца, пэўна».
Карэспандэнтка: «Чаго?».
Спадар: «Не чаго, а каго».
Карэспандэнтка: «Тады каго?».
Спадар: «Вярхоўнага галоўнакамандуючага».
Удзельнікі сьвяткаваньня Дня вызваленьня і Дня незалежнасьці пачалі пакідаць месца падзеі адначасна з заканчэньнем вайсковага параду, не чакаючы, каб пачалося спартовае сьвята.
Актывісты кампаніі «Рэвалюцыя праз сацыяльныя сеткі» падчас афіцыйнай часткі імпрэзы нічым сябе не праявілі. Міліцыянты ў цывільным затрымалі некалькі актывістаў.
Каб трапіць да месца правядзеньня параду — абэліску «Менск — горад-герой», — трэба было прайсьці празь пільны дагляд спэцслужбаў. Акрамя пропуску праз рамкі-мэталашукальнікі, міліцыянты глядзелі, што ў людзей у кішэнях і сумках: забіралі бутэлькі зь пітвом, сьцізорыкі, пілкі для пазногцяў і касмэтычныя нажніцы. Усё гэта адразу выкідалася ў сьметніцу, вярнуць забранае было немагчыма.
Кожнага, хто праходзіў, здымалі на відэа супрацоўнікі спэцслужбаў. Далей людзі шыхтаваліся калёнамі пад расьцяжкамі з назвамі раёнаў Менску, чырвона-зялёнымі дзяржаўнымі сьцягамі, сьцягамі БРСМ і «Белай Русі». Усё гэта адбывалася пад праліўным дажджом. Паводле розных ацэнак, паглядзець парад прыйшлі ад 5 да 10 тысяч чалавек. Усе яны месьціліся недалёка ад галоўнай трыбуны.
Перад самым парадам прыбылі Аляксандар Лукашэнка з малодшым сынам Мікалаем. Абодва былі ў параднай вайсковай форме з маршальскімі пагонамі.
Такім чынам, вайсковы парад прымалі два Лукашэнкі, бацька Аляксандар і сын Мікалай. Яны амаль сынхронна ўздымалі рукі да фуражкі і пілёткі, салютуючы войскам.
Аляксандар Лукашэнка выступіў з палітычнай прамовай:
«Нам узмоцнена і мэтанакіравана навязваюць бессаромныя сцэнары каляровых рэвалюцый, напісаныя пад капірку ў сталіцах асобных краін. Мы разумеем, што мэта гэтых атак — пасеяць няўпэўненасьць і трывогу, разбурыць грамадзкую згоду і ў канчатковым выніку паставіць нас на калені і зьвесьці да нуля ўсе заваёвы незалежнасьці. Гэтаму не бываць».
Выступ Лукашэнкі трыбуны сустрэлі моўчкі. На заключную ягоную рэпліку «Ура, таварышы!» на трыбунах нехта адазваўся: «У ладкі ня пляскаць, а то за вушы выведуць».
Гледачы на трыбунах пераважна прадстаўлялі дзяржаўныя прадпрыемствы і арганізацыі. Гутару зь людзьмі:
Карэспандэнтка: «Скажыце, калі ласка, як вы прыйшлі на парад: зь сям’ёй, зь сябрамі, з калегамі?».
Спадарыня: «Мы ад дзяржаўнага прадпрыемства «ЦУМ».
Карэспандэнтка: «Ці шмат тут вас?».
Спадарыня: «Так, шмат. Каля тысячы чалавек».
Карэспандэнтка: «А вашы сем’і?».
Іншая спадарыня: «На лецішчы. Каля тэлевізараў некаторыя сядзяць — хто дзе — адпачываюць».
Карэспандэнтка: «А самі прыйшлі б, каб ня з працы?».
Усе разам: «Не, не, не прыйшлі б. Наўрад ці атрымалася б».
Карэспандэнтка: «Напярэдадні сьвяткаваньняў гаварылася пра тое, што парад — гэта дарагая імпрэза і яе ня варта праводзіць. Што вы пра гэта думаеце?».
Спадар: «Думаю, што трэба было — для людзей гэта сьвята».
Карэспандэнтка: «А чаму тады ніхто не апладзіраваў?».
Спадар: «Так, я не апладзіраваў. Ніхто не апладзіраваў».
Карэспандэнтка: «А чаму?».
Спадар: «Баяцца, пэўна».
Карэспандэнтка: «Чаго?».
Спадар: «Не чаго, а каго».
Карэспандэнтка: «Тады каго?».
Спадар: «Вярхоўнага галоўнакамандуючага».
Удзельнікі сьвяткаваньня Дня вызваленьня і Дня незалежнасьці пачалі пакідаць месца падзеі адначасна з заканчэньнем вайсковага параду, не чакаючы, каб пачалося спартовае сьвята.
Актывісты кампаніі «Рэвалюцыя праз сацыяльныя сеткі» падчас афіцыйнай часткі імпрэзы нічым сябе не праявілі. Міліцыянты ў цывільным затрымалі некалькі актывістаў.