Каля 30 рабочых будаўнічага ўпраўленьня №187 гораду Слоніму адмовіліся сёньня выходзіць на працу праз тое, што ім затрымліваюць выплату заробку.
З раніцы рабочыя прыехалі ў пракуратуру раёну са скаргай. Да будынку пракуратуры прыехаў намесьнік старшыні Слонімскага райвыканкаму Анатоль Вянскоўскі і размаўляў зь імі.
Рабочыя скардзіліся на тое, што заробак ім павінны былі выплаціць да 25 чэрвеня, а яны не атрымалі яго 1 ліпеня. Казалі, што гэта ўжо ня першы выпадак затрыманьня выплаты заработнай платы.
Анатоль Вянскоўскі абяцаў рабочым, што сёньня пасьля абеду ім выплацяць заробак і прасіў рабочых ехаць на працоўныя месцы. Са слоў дырэктара будаўнічага ўпраўленьня Віктара Брайтчука, рабочыя пасьля размовы з намесьнікам старшыні райвыканкаму паехалі на месца працы.
З раніцы рабочыя прыехалі ў пракуратуру раёну са скаргай. Да будынку пракуратуры прыехаў намесьнік старшыні Слонімскага райвыканкаму Анатоль Вянскоўскі і размаўляў зь імі.
Рабочыя скардзіліся на тое, што заробак ім павінны былі выплаціць да 25 чэрвеня, а яны не атрымалі яго 1 ліпеня. Казалі, што гэта ўжо ня першы выпадак затрыманьня выплаты заработнай платы.
Анатоль Вянскоўскі абяцаў рабочым, што сёньня пасьля абеду ім выплацяць заробак і прасіў рабочых ехаць на працоўныя месцы. Са слоў дырэктара будаўнічага ўпраўленьня Віктара Брайтчука, рабочыя пасьля размовы з намесьнікам старшыні райвыканкаму паехалі на месца працы.
Рабочыя слонімскага будаўнічага ўпраўленьня №187 адмовіліся працаваць і прыйшлі да будынку раённай пракуратуры са скаргай на затрымку па выплаце заробку.
