Грэчка

Старыя знаёмцы і ідэйныя апанэнты Саўка і Грышка абмяркоўваюць павышэньне цэнаў на харчаваньне.

Грэчка

Саўка і Грышка. Грэчка

Грышка:
Мы з Саўкам
Зацята
Час бавілі ў спрэчках.
Тым часам
Зьнянацку
Падаражэла грэчка.

Саўка:
А я цілівізар включаю с утра.
Усё харашо! Працьвітает страна.

Грышка:
Былі мы
ў гуморы
І гартавалі гумар.
Тым часам
Угору
Пайшла цана на цукар.

Саўка:
А я цілівізар сматру паутру.
А ўпрочэм, і вечарам тожэ сматру…

Грышка:
Мы з Саўкам
У спрэчках
Час бавілі зацята.
Тым часам
Зьнянацку
Падскочыла квартплата.

Саўка:
Сматрэў цілівізар.Там немцы, вайна.
І тут мне вайну аб’явіла жана.
Вырвала провад з різеткі яна.
Так што у нас з грэчкай? Якая цана?