Дачка Ўладзімера Някляева Ева, якая дагэтуль ніколі не займалася палітыкай, цяпер у складзе беларускай дэлегацыі езьдзіць па Эўропе, каб распавесьці пра падзеі ў Беларусі. “У Менску я б стаяла ля муроў КДБ і плакала, а гэта сытуацыю ня зьменіць”, – кажа яна.
Дэлегацыя беларускіх палітыкаў і сваякоў палітвязьняў 10 студзеня сустракаецца з чэскімі палітыкамі і журналістамі ў Празе. На мінулым тыдні прайшлі сустрэчы ў Варшаве і Вільні, на чарзе Бэрлін і Брусэль. У складзе дэлегацыі – і Ева Някляева.