Пярэдадзень Раства Хрыстова, 6 студзеня, у сем’ях палітзьняволеных праваслаўнага веравызнаньня прайшоў безь сьвяточнай куцьці. Гэтымі днямі сваякі вязьняў «амэрыканкі» прыкладаюць намаганьні, каб вызваліць сваіх родных. Юрыдычную і маральную падтрымку пацярпелым арганізоўваюць праваабарончыя і грамадзкія арганізацыі і рухі.
Пярэдадзень сьвята Раства Хрыстовага паводле праваслаўнага календара для валянтэраў грамадзкай ініцыятывы ў падтрымку палітвязьняў, як і прамінулыя сьвяты, прайшоў у працоўным рэжыме. Гэтымі днямі дапамагаюць тым, хто выйшаў і хто па-ранейшаму застаецца за кратамі, кажа валянтэрка Алена:
«У сядзібу партыі БНФ, дзе мы працуем, прыходзіць багата людзей, якія адседзелі 10-15 сутак, і мы спрабуем ім чымсьці дапамагчы: накіроўваем у праваабарончыя арганізацыі, дзе ім дапамагаюць юрыдычна, бо многіх людзей выключаюць з ВНУ, звальняюць з працы. Таксама сюды працягваюць ісьці людзі, якія нясуць нейкія падаруначкі, сувэніры сьвяточныя, каб хоць крыху асьвятліць для гэтых людзей гэтыя ўрачыстыя дні, якія сталіся зусім не сьвяточнымі. Мы перадаем гэтую дапамогу і падтрымку, каму яна адрасаваная. Таксама тут сабралася вельмі шмат навагодніх і калядных паштовак, якія многія простыя людзі пісалі 19 сьнежня і пазьней для зьняволеных. Мы кожнаму дорым такую паштоўку, кожная зь якіх — асобны мастацкі твор, бо людзі пісалі цёплыя словы ад усяе душы і ад усяго сэрца тым, хто пацярпеў ад уладаў 19 сьнежня».
Сябры грамадзянскай ініцыятывы «Вызваленьне», якую заснавалі сваякі новых беларускіх палітвязьняў, гэтымі днямі сустракаюцца з амбасадарамі замежных краін, а таксама зьбіраюць подпісы пад зваротамі да кіраўнікоў краін Эўразьвязу і ЗША, у Чырвоны Крыж і іншыя міжнародныя арганізацыі. Праваслаўнае сьвята Раства Хрыстовага, як і Новы год, у сем’ях зьняволеных ізноў будзе несьвяточным, кажа жонка Ўладзімера Някляева Вольга:
«Уладзімер Пракопавіч — праваслаўны вернік, і мы заўсёды адзначалі Каляды: ноччу куцьця была, мак таўклі, абаранкі былі — усё як трэба. Нічога гэтага ў яго ня будзе зараз. Адзінае — я яму крыжык перадала. Малітоўнік не ўзялі. Я хацела да яго заўтра падысьці, але мне сказалі, што заўтра перадачы браць ня будуць — у іх жа тры выходныя! І адвакатам сказалі, што да наступнага тыдня можаце не турбавацца. Спадзяваньняў у мяне няшмат, але ўсё ж нейкая надзея застаецца, калі нас падтрымае міжнародная супольнасьць.У нас зь імі ёсьць добры кантакт, бо для іх гэта таксама вялікі шок — яны самі зразумелі, што, магчыма, ня так паводзіліся з Лукашэнкам. Зараз добра бачна, які ён насамрэч — які вялікі дэмакратызатар і лібэралізатар з дапамогай дубінак і спэцназу. Спадзяемся таксама на дапамогу міжнародных праваабаронцаў — з Украіны, Польшчы Расеі».
Давесьці праўду пра падзеі ў Беларусі 19 сьнежня і пасьля іх да міжнароднай супольнасьці намагаецца таксама Каардынацыйны камітэт грамадзкай салідарнасьці з палітвязьнямі, у які ўваходзяць прадстаўнікі палітычных партый і рухаў. Гаворыць прадстаўнік камітэту і сябра перадвыбарчага штабу Андрэя Саньнікава, кіраўнік менскай арганізацыі партыі БНФ Віктар Івашкевіч:
«Зараз у асноўным ідуць перамовы з амбасадарамі эўрапейскіх краін — учора такая сустрэча была ў Варшаве, сёньня ў Вільні — у сувязі з тым, што 12 студзеня ў Брусэлі будуць разглядаць пытаньне па Беларусі, і мы стараемся, каб рашэньне было максымальна ясным і жорсткім у дачыненьні да тых злачынстваў, якія рэжым учыняе адносна сваіх жа грамадзян. І таксама мы рыхтуем інфармацыйную кампанію, каб давесьці да ўсіх грамадзян Беларусі, што ж адбылося 19 сьнежня насамрэч».
Сваякі палітвязьняў таксама распачалі збор подпісаў пад зваротам да Эўрапарлямэнту, які разгледзіць беларускае пытаньне 12 студзеня.
Пярэдадзень сьвята Раства Хрыстовага паводле праваслаўнага календара для валянтэраў грамадзкай ініцыятывы ў падтрымку палітвязьняў, як і прамінулыя сьвяты, прайшоў у працоўным рэжыме. Гэтымі днямі дапамагаюць тым, хто выйшаў і хто па-ранейшаму застаецца за кратамі, кажа валянтэрка Алена:
«У сядзібу партыі БНФ, дзе мы працуем, прыходзіць багата людзей, якія адседзелі 10-15 сутак, і мы спрабуем ім чымсьці дапамагчы: накіроўваем у праваабарончыя арганізацыі, дзе ім дапамагаюць юрыдычна, бо многіх людзей выключаюць з ВНУ, звальняюць з працы. Таксама сюды працягваюць ісьці людзі, якія нясуць нейкія падаруначкі, сувэніры сьвяточныя, каб хоць крыху асьвятліць для гэтых людзей гэтыя ўрачыстыя дні, якія сталіся зусім не сьвяточнымі. Мы перадаем гэтую дапамогу і падтрымку, каму яна адрасаваная. Таксама тут сабралася вельмі шмат навагодніх і калядных паштовак, якія многія простыя людзі пісалі 19 сьнежня і пазьней для зьняволеных. Мы кожнаму дорым такую паштоўку, кожная зь якіх — асобны мастацкі твор, бо людзі пісалі цёплыя словы ад усяе душы і ад усяго сэрца тым, хто пацярпеў ад уладаў 19 сьнежня».
Сябры грамадзянскай ініцыятывы «Вызваленьне», якую заснавалі сваякі новых беларускіх палітвязьняў, гэтымі днямі сустракаюцца з амбасадарамі замежных краін, а таксама зьбіраюць подпісы пад зваротамі да кіраўнікоў краін Эўразьвязу і ЗША, у Чырвоны Крыж і іншыя міжнародныя арганізацыі. Праваслаўнае сьвята Раства Хрыстовага, як і Новы год, у сем’ях зьняволеных ізноў будзе несьвяточным, кажа жонка Ўладзімера Някляева Вольга:
«Уладзімер Пракопавіч — праваслаўны вернік, і мы заўсёды адзначалі Каляды: ноччу куцьця была, мак таўклі, абаранкі былі — усё як трэба. Нічога гэтага ў яго ня будзе зараз. Адзінае — я яму крыжык перадала. Малітоўнік не ўзялі. Я хацела да яго заўтра падысьці, але мне сказалі, што заўтра перадачы браць ня будуць — у іх жа тры выходныя! І адвакатам сказалі, што да наступнага тыдня можаце не турбавацца. Спадзяваньняў у мяне няшмат, але ўсё ж нейкая надзея застаецца, калі нас падтрымае міжнародная супольнасьць.
Мы заўсёды адзначалі Каляды: ноччу куцьця была, мак таўклі, абаранкі былі — усё як трэба. Нічога гэтага ў яго ня будзе зараз.
Давесьці праўду пра падзеі ў Беларусі 19 сьнежня і пасьля іх да міжнароднай супольнасьці намагаецца таксама Каардынацыйны камітэт грамадзкай салідарнасьці з палітвязьнямі, у які ўваходзяць прадстаўнікі палітычных партый і рухаў. Гаворыць прадстаўнік камітэту і сябра перадвыбарчага штабу Андрэя Саньнікава, кіраўнік менскай арганізацыі партыі БНФ Віктар Івашкевіч:
«Зараз у асноўным ідуць перамовы з амбасадарамі эўрапейскіх краін — учора такая сустрэча была ў Варшаве, сёньня ў Вільні — у сувязі з тым, што 12 студзеня ў Брусэлі будуць разглядаць пытаньне па Беларусі, і мы стараемся, каб рашэньне было максымальна ясным і жорсткім у дачыненьні да тых злачынстваў, якія рэжым учыняе адносна сваіх жа грамадзян. І таксама мы рыхтуем інфармацыйную кампанію, каб давесьці да ўсіх грамадзян Беларусі, што ж адбылося 19 сьнежня насамрэч».
Сваякі палітвязьняў таксама распачалі збор подпісаў пад зваротам да Эўрапарлямэнту, які разгледзіць беларускае пытаньне 12 студзеня.