Вольга Някляева наведала Генэральную пракуратуру і КДБ
Жонка Някляева Вольга, а таксама пісьменьнікі Ўладзімер Арлоў, Валянцін Акудовіч, Сяргей Законьнікаў, Алесь Разанаў, Сяргей Сматрычэнка, Ўладзімер Колас прынесьлі заяву з Генэральную пракуратуру з патрабаваньнем дапусьціць да Уладзімера Някляева адваката.
Вольга Някляева таксама патрабуе, каб ёй дазволілі сустрэчу з мужам, каб яна магла пераканацца, што ён жывы.
Your browser doesn’t support HTML5
Вольга Някляева ў Генпракуратуры і КДБ
У пракуратуры Вользе патлумачылі, што ніхто яшчэ не разглядаў яе папярэднія скаргі, напісаныя 21 і 24 сьнежня. І заявілі, што, магчыма, адказ на яе скаргі будзе дадзены пасьля абеду.
Пасьля Пракуратуры Вольга Няклева прыйшла ў прыёмную КДБ, куды прынесла заяву з патрабаваньнем тэрмінова дапусьціць адваката да Някляева. Супрацоўнікі КДБ прынялі ліст, але нічога не паведамілі і не патлумачылі.
Верагодна, што Уладзімер Някляеў знаходзіцца, як і астатнія падазраваныя ў справе ад падзеях 19 сьнежня, у сьледчым ізалятары КДБ. Але да Някляева не дапускаюць адвакатаў. Вольга падазрае, што і яе перадачы не даходзяць да мужа.
З Вольгай Някляевай у Генэральнай пракуратуры пагутарылі толькі па ўнутраным тэлефоне
Уладзімер Арлоў, Валянцін Акудовіч і Сяргей Законьнікаў
