З 17 да 18 гадзін на Першым канале Беларускага тэлебачаньня адбыліся дэбаты кандыдатаў у прэзыдэнты краіны.
Першапачаткова ў іх удзельнічалі дзевяць кандыдатаў, акрамя Аляксандра Лукашэнкі. Пасьля свайго ўступнага выступу студыю пакінуў Уладзімер Някляеў, які заявіў, што тое, што цяпер адбываецца, не зьяўляецца сапраўднымі дэбатамі, паколькі іх праігнараваў дзейны кіраўнік дзяржавы, ён жа кандыдат у прэзыдэнты.
Your browser doesn’t support HTML5
Тэледэбаты на БТ 04.12.2010 ч.1
Your browser doesn’t support HTML5
Тэледэбаты на БТ 04.12.2010 ч.2
Your browser doesn’t support HTML5
Тэледэбаты на БТ 04.12.2010 ч.3
Your browser doesn’t support HTML5
Тэледэбаты на БТ 04.12.2010 ч.4
Your browser doesn’t support HTML5
Тэледэбаты на БТ 04.12.2010 ч.5
Было відаць, што дэбаты прайшлі не паводле сцэнару іх арганізатараў. Кандыдаты ў прэзыдэнты перахапілі ініцыятыву ў вядучых Юрыя Пракопава і Андрэя Крывашэева і рашуча выказвалі свае погляды.
Дыскусія вялася па дзьвюх тэмах – палітычнай і эканамічнай. Некаторыя кандыдаты ў сваім заключным слове заклікалі жыхароў Беларусі прыйсьці на плошчу ў цэнтры Менску 19 сьнежня а 20-й гадзіне.
