У штогадовым пасланьні да Фэдэральнага сходу прэзыдэнт Расеі Дзьмітрый Мядзьведзеў ніводнага разу не згадаў пра Беларусь і саюзную дзяржаву.
Гэта ўжо другое запар пасланьне расейскага прэзыдэнта Дзьмітрыя Мядзьведзева, у якім ён не згадаў ні пра Беларусь, ні пра саюзную дзяржаву. У 2008 годзе ён яшчэ называў саюзную дзяржаву разам з ЭўрАзЭС "інтэграцыйным ядром". Сёлета агульна гаварыў пра тое, што важным кірункам зьнешняй палітыкі Расеі застаецца прастора СНД і структуры ЭўрАзЭС і АДКБ, якія на ёй дзейнічаюць. Таксама ён адзначыў, што сфармаваны Мытны саюз і ствараецца адзіная эканамічная прастора ў рамках ЭўрАзЭС. Пры гэтым апрабуюцца "сучасныя інтэграцыйныя схемы і канцэпцыі эфэктыўнай эканамічнай каапэрацыі". Сярод краінаў, зь якімі "ёсьць вялікі патэнцыял у нарошчваньні інавацыйнага складніка супрацоўніцтва", Мядзьведзеў таксама назваў Украіну і Казахстан. Чаму расейскі прэзыдэнт абмінуў Беларусь?
Паводле палітоляга Кірыла Коктыша, саюзная дзяржава так і засталася слаба рэалізаваным праектам.
"Саюзны праект ніяк не прадухіліў таго факту, што давер паміж беларускім і расейскім кіраўніцтвам страчаны. Расея скончыла будаваць абходныя нафта- і газаправоды вакол Беларусі. Ад даволі вялікай колькасьці непрыемных рэчаў саюзная дзяржава не ўратавала".
Паводле маскоўскага палітоляга Андрэя Суздальцава, "расейскае кіраўніцтва зрабіла пэўныя высновы, і беларуская тэма ў пэўнай ступені для Масквы закрыта".
"Цяпер ніякіх пэрспэктываў, эканамічных і палітычных, няма. Зразумела, што Беларусь для Расеі нецікавая. З уладай у Беларусі Расея працаваць не жадае. Яна ня будзе працаваць з Лукашэнкам. Калі Захаду падабаецца працаваць з Лукашэнкам, няхай працуе. Расея ня мае патрэбы ў гэтай тэматыцы. А з другога боку, паглядзіце на перадвыбарчую праграму Лукашэнкі. Там жа ні слова пра Расею. Напэўна, і Беларусі Расея непатрэбная".
Палітоляг Аляксандар Класкоўскі таксама зьвяртае ўвагу на тое, што ў перадвыбарчай праграме Лукашэнкі нічога ня згадваецца пра інтэграцыю з Расеяй.
"Такім чынам, абодва бакі — і беларускае кіраўніцтва, і Крэмль — дэ-факта канстатуюць, што гэты саюзны праект памёр. Зрэшты, гэта натуральны працэс, бо інтэграцыя ад пачатку была фальшывая. Іншая рэч, што небясьпека для незалежнасьці Беларусі ня скончылася. Гэтая небясьпека навісае. Бо ў Пуціна ёсьць новыя праекты, як зацугляць Беларусь. Кшталту Адзінай эканамічнай прасторы. І, па-другое, гэта энэргетычная зброя Расеі. То бок Масква пачала меней гаварыць, але гэта не азначае, што яна адкінула свае экспансіянісцкія пляны датычна Беларусі".
Гэта ўжо другое запар пасланьне расейскага прэзыдэнта Дзьмітрыя Мядзьведзева, у якім ён не згадаў ні пра Беларусь, ні пра саюзную дзяржаву. У 2008 годзе ён яшчэ называў саюзную дзяржаву разам з ЭўрАзЭС "інтэграцыйным ядром". Сёлета агульна гаварыў пра тое, што важным кірункам зьнешняй палітыкі Расеі застаецца прастора СНД і структуры ЭўрАзЭС і АДКБ, якія на ёй дзейнічаюць. Таксама ён адзначыў, што сфармаваны Мытны саюз і ствараецца адзіная эканамічная прастора ў рамках ЭўрАзЭС. Пры гэтым апрабуюцца "сучасныя інтэграцыйныя схемы і канцэпцыі эфэктыўнай эканамічнай каапэрацыі". Сярод краінаў, зь якімі "ёсьць вялікі патэнцыял у нарошчваньні інавацыйнага складніка супрацоўніцтва", Мядзьведзеў таксама назваў Украіну і Казахстан. Чаму расейскі прэзыдэнт абмінуў Беларусь?
Паводле палітоляга Кірыла Коктыша, саюзная дзяржава так і засталася слаба рэалізаваным праектам.
"Саюзны праект ніяк не прадухіліў таго факту, што давер паміж беларускім і расейскім кіраўніцтвам страчаны. Расея скончыла будаваць абходныя нафта- і газаправоды вакол Беларусі. Ад даволі вялікай колькасьці непрыемных рэчаў саюзная дзяржава не ўратавала".
Паводле маскоўскага палітоляга Андрэя Суздальцава, "расейскае кіраўніцтва зрабіла пэўныя высновы, і беларуская тэма ў пэўнай ступені для Масквы закрыта".
"Цяпер ніякіх пэрспэктываў, эканамічных і палітычных, няма. Зразумела, што Беларусь для Расеі нецікавая. З уладай у Беларусі Расея працаваць не жадае. Яна ня будзе працаваць з Лукашэнкам. Калі Захаду падабаецца працаваць з Лукашэнкам, няхай працуе. Расея ня мае патрэбы ў гэтай тэматыцы. А з другога боку, паглядзіце на перадвыбарчую праграму Лукашэнкі. Там жа ні слова пра Расею. Напэўна, і Беларусі Расея непатрэбная".
Палітоляг Аляксандар Класкоўскі таксама зьвяртае ўвагу на тое, што ў перадвыбарчай праграме Лукашэнкі нічога ня згадваецца пра інтэграцыю з Расеяй.
"Такім чынам, абодва бакі — і беларускае кіраўніцтва, і Крэмль — дэ-факта канстатуюць, што гэты саюзны праект памёр. Зрэшты, гэта натуральны працэс, бо інтэграцыя ад пачатку была фальшывая. Іншая рэч, што небясьпека для незалежнасьці Беларусі ня скончылася. Гэтая небясьпека навісае. Бо ў Пуціна ёсьць новыя праекты, як зацугляць Беларусь. Кшталту Адзінай эканамічнай прасторы. І, па-другое, гэта энэргетычная зброя Расеі. То бок Масква пачала меней гаварыць, але гэта не азначае, што яна адкінула свае экспансіянісцкія пляны датычна Беларусі".
