"Беларуская асацыяцыя журналістаў" распаўсюдзіла маніторынг асьвятленьня першага этапу прэзыдэнцкай выбарчай кампаніі дзяржаўнымі і незалежнымі СМІ.
Дасьледчыкі заяўляюць, што сёлетняе асьвятленьне выбараў афіцыйнымі мэдыямі ідзе паводле сцэнару мінулых гадоў. Напрыклад, пра апазыцыйных кандыдатаў на Беларускім тэлебачаньні гаварылася ўсяго некалькі сэкундаў, пра Аляксандра Лукашэнку — у тысячу разоў болей. Ці даюць гэтыя факты падставы заявіць, што дагэтуль выбарчая кампанія праходзіць недэмакратычна? Ці пажадае ўлада зрабіць нешта, каб гэтыя прэзыдэнцкія выбары хаця б вонкава былі падобныя да сумленных і празрыстых? На гэтыя пытаньні адказвае намесьнік старшыні БАЖ, юрыст Андрэй Бастунец.
Цыганкоў: Галоўная выснова маніторынгу палягае ў тым, што гэтая выбарчая кампанія ў інфармацыйнай сфэры нічым не адрозьніваецца ад папярэдніх. Усе дзяржаўныя СМІ пераважную большасьць часу прысьвячаюць толькі аднаму кандыдату — Лукашэнку, іншых зусім не заўважаюць. Ці можна ўжо цяпер казаць, што выбарчая кампанія праходзіць у недэмакратычных умовах?
Бастунец: Сапраўды, што тычыцца галіны СМІ, ужо цяпер можна казаць, што гэтыя выбары праходзяць у недэмакратычных умовах. Бо выбары – гэта ня толькі той дзень, калі бюлетэні ўкідваюць у скрыні, гэта досыць доўгі працэс. І СМІ павінны данесьці аб'ектыўную інфармацыю і пра кандыдатаў, і пра іх праграмы — тады гэта называецца выбары.
Аднак пакуль нельга казаць, што БАЖ ужо правёў маніторынг выбараў – гэта будзе зарана. Свае высновы пра ўдзел СМІ і іхні кантэнт мы выклалі толькі за 10 першых дзён маніторынгу.
Цыганкоў: Ці пажадае ўлада неяк паправіць гэтую сытуацыю? Калі яна ставіць перад сабой мэту правесьці гэтыя выбары больш дэмакратычна і абяцае гэта заходнім палітыкам — што яна зробіць за астатні час, каб тыя ж заходнія структуры зрабілі высновы пра пэўны прагрэс?
Бастунец: Па-першае, мой прагноз у тым, што ўлада будзе падзяляць СМІ і дзеяньні выбарчых камісіяў. Яны скажуць — мы за ўсялякую галоснасьць. Мы апублікавалі праграмы, правялі дэбаты, прагучалі іхнія выступы, — мы, маўляў, зрабілі, што маглі.
А што тычыцца СМІ, то гэта маўляў, іхняя рэдакцыйная палітыка, і мы ў яе ня ўмешваемся. Тое, што большасьць гэтых СМІ належыць дзяржаўным структурам, што кіраўнікі гэтых СМІ — гэта дзяржаўныя службоўцы, усё гэта будзе проста замоўчвацца. Ці будзе выпраўлена сытуацыя? Не, проста будзе павялічаная рыторыка пра тое, што выбары будуць дэмакратычнымі.
Дасьледчыкі заяўляюць, што сёлетняе асьвятленьне выбараў афіцыйнымі мэдыямі ідзе паводле сцэнару мінулых гадоў. Напрыклад, пра апазыцыйных кандыдатаў на Беларускім тэлебачаньні гаварылася ўсяго некалькі сэкундаў, пра Аляксандра Лукашэнку — у тысячу разоў болей. Ці даюць гэтыя факты падставы заявіць, што дагэтуль выбарчая кампанія праходзіць недэмакратычна? Ці пажадае ўлада зрабіць нешта, каб гэтыя прэзыдэнцкія выбары хаця б вонкава былі падобныя да сумленных і празрыстых? На гэтыя пытаньні адказвае намесьнік старшыні БАЖ, юрыст Андрэй Бастунец.
Цыганкоў: Галоўная выснова маніторынгу палягае ў тым, што гэтая выбарчая кампанія ў інфармацыйнай сфэры нічым не адрозьніваецца ад папярэдніх. Усе дзяржаўныя СМІ пераважную большасьць часу прысьвячаюць толькі аднаму кандыдату — Лукашэнку, іншых зусім не заўважаюць. Ці можна ўжо цяпер казаць, што выбарчая кампанія праходзіць у недэмакратычных умовах?
Бастунец: Сапраўды, што тычыцца галіны СМІ, ужо цяпер можна казаць, што гэтыя выбары праходзяць у недэмакратычных умовах. Бо выбары – гэта ня толькі той дзень, калі бюлетэні ўкідваюць у скрыні, гэта досыць доўгі працэс. І СМІ павінны данесьці аб'ектыўную інфармацыю і пра кандыдатаў, і пра іх праграмы — тады гэта называецца выбары.
Аднак пакуль нельга казаць, што БАЖ ужо правёў маніторынг выбараў – гэта будзе зарана. Свае высновы пра ўдзел СМІ і іхні кантэнт мы выклалі толькі за 10 першых дзён маніторынгу.
Цыганкоў: Ці пажадае ўлада неяк паправіць гэтую сытуацыю? Калі яна ставіць перад сабой мэту правесьці гэтыя выбары больш дэмакратычна і абяцае гэта заходнім палітыкам — што яна зробіць за астатні час, каб тыя ж заходнія структуры зрабілі высновы пра пэўны прагрэс?
Бастунец: Па-першае, мой прагноз у тым, што ўлада будзе падзяляць СМІ і дзеяньні выбарчых камісіяў. Яны скажуць — мы за ўсялякую галоснасьць. Мы апублікавалі праграмы, правялі дэбаты, прагучалі іхнія выступы, — мы, маўляў, зрабілі, што маглі.
А што тычыцца СМІ, то гэта маўляў, іхняя рэдакцыйная палітыка, і мы ў яе ня ўмешваемся. Тое, што большасьць гэтых СМІ належыць дзяржаўным структурам, што кіраўнікі гэтых СМІ — гэта дзяржаўныя службоўцы, усё гэта будзе проста замоўчвацца. Ці будзе выпраўлена сытуацыя? Не, проста будзе павялічаная рыторыка пра тое, што выбары будуць дэмакратычнымі.