Да заканчэньня збору подпісаў за кандыдатаў у прэзыдэнты засталося 3 дні. Пікетаў некаторых прэтэндэнтаў ужо ня бачна, а сярод тых, хто ўпарта працягвае кампанію — зьбіральнікі подпісаў за лідэра «Эўрапейскай Беларусі» Андрэя Саньнікава. Як кажуць у ягоным штабе, яшчэ тыдзень таму па краіне за Саньнікава сабралі болей за 110 тысяч подпісаў. Як ідуць справы на фінішы кампаніі? Хто падпісваецца за кандыдата на прэзыдэнта Саньнікава? Як людзі ставяцца да таго, што пры Лукашэнку Андрэй Саньнікаў працаваў намесьнікам міністра замежных спраў?
