44 выбарчыя ўчасткі будуць працаваць за межамі Беларусі падчас правядзеньня сёлетніх прэзыдэнцкіх выбараў. Гэта на тры болей, чым было на папярэдніх прэзыдэнцкіх выбарах.
Старшыня Цэнтральнай выбарчай камісіі Лідзія Ярмошына кажа: выбарчыя ўчасткі за межамі Беларусі фармуюцца за 60 дзён да выбараў:
"Яны ахопліваюць няшмат выбарцаў. Таму што гэта пераважна асобы, якія стаяць на консульскім уліку. Вельмі многія грамадзяне на яго проста не становяцца. Але калі і іншыя грамадзяне Беларусі, якія не стаяць на консульскім уліку, у дзень выбараў альбо ў пэрыяд датэрміновага галасаваньня зьвернуцца ў амбасаду альбо ў консульства і прадставяць доказы свайго беларускага грамадзянства, ім будзе дадзеная магчымасьць прагаласаваць".
Найбольшая колькасьць выбарчых участкаў па-за межамі Беларусі прыпадае на Расею. Тут галасаваньне пройдзе ў Маскве, Санкт-Пецербурзе, Калінінградзе і Краснадары. Аднак паўплываць на абраньне прэзыдэнта вынікі галасавньня за беларускімі межамі рэальна ня могуць. На выбарах 2006 году ў сьпісы для галасаваньня патрапілі каля 10 тысяч "беларусаў-замежнікаў". А гэта прыкладна 0,15% ад усёй колькасьці выбарцаў.
Сакратар ЦВК Мікалай Лазавік тлумачыць: за мяжой усе выбарчыя камісіі маюць адзін статус – участковай камісіі. Правілы вылучэньня ў іх гэткія самыя, як і ў Беларусі. Але звычайна там ужываюць толькі адзін спосаб вылучэньня – праз збор подпісаў. Аднак адну асаблівасьць участковых камісіяў за межамі Беларусі Маікалай Лазавік усё ж вылучае: “Колькасьць сяброў камісіі можа быць зьменшаная ў залежнасьці ад унутраных абставінаў той ці іншай амбасады”.
Традыцыйна вынікі волевыяўленьня грамадзянаў за межамі Беларусі ўключаюць у дадзеныя па Ленінскай раённай камісіі Менску, на тэрыторыі якой знаходзіцца Міністэрства замежных справаў.
Старшыня Цэнтральнай выбарчай камісіі Лідзія Ярмошына кажа: выбарчыя ўчасткі за межамі Беларусі фармуюцца за 60 дзён да выбараў:
"Яны ахопліваюць няшмат выбарцаў. Таму што гэта пераважна асобы, якія стаяць на консульскім уліку. Вельмі многія грамадзяне на яго проста не становяцца. Але калі і іншыя грамадзяне Беларусі, якія не стаяць на консульскім уліку, у дзень выбараў альбо ў пэрыяд датэрміновага галасаваньня зьвернуцца ў амбасаду альбо ў консульства і прадставяць доказы свайго беларускага грамадзянства, ім будзе дадзеная магчымасьць прагаласаваць".
Найбольшая колькасьць выбарчых участкаў па-за межамі Беларусі прыпадае на Расею. .
Сакратар ЦВК Мікалай Лазавік тлумачыць: за мяжой усе выбарчыя камісіі маюць адзін статус – участковай камісіі. Правілы вылучэньня ў іх гэткія самыя, як і ў Беларусі. Але звычайна там ужываюць толькі адзін спосаб вылучэньня – праз збор подпісаў. Аднак адну асаблівасьць участковых камісіяў за межамі Беларусі Маікалай Лазавік усё ж вылучае: “Колькасьць сяброў камісіі можа быць зьменшаная ў залежнасьці ад унутраных абставінаў той ці іншай амбасады”.
Традыцыйна вынікі волевыяўленьня грамадзянаў за межамі Беларусі ўключаюць у дадзеныя па Ленінскай раённай камісіі Менску, на тэрыторыі якой знаходзіцца Міністэрства замежных справаў.