Напярэдадні ў інтэрвію Радыё Свабода сакратар Цэнтравыбаркаму Мікалай Лазавік заявіў, што ў тэрытарыяльных выбарчых камісіях павінны быць прадстаўнікі апазыцыі. Лідэры дэмакратычных партый і рухаў спадзяюцца, што ўлады спыняць перашкоды для ўдзелу апазыцыйных актывістаў у назіраньні за выбарамі і падліку галасоў. Адпаведныя сьпісы ў ЦВК мусяць быць пададзеныя да канца дня 26 верасьня.
Як і падчас папярэдніх палітычных кампаній, найбольш актыўная ў вылучэньні кандыдатаў у склад тэрытарыяльных выбарчых камісій Беларуская партыя левых «Справядлівы сьвет». Намесьнік старшыні партыі Валеры Ухналёў распавёў:
«Па сваёй партыі „Справядлівы сьвет“ магу сказаць: у нас вылучана 45 чалавек ва ўсе абласныя камісіі, менскую гарадзкую, а таксама раённыя і гарадзкія, кшталту Пінску, Баранавічаў і г.д. Гэтыя людзі ўчора-сёньня вылучаныя, дакумэнты здадзеныя. То бок, у нас гэтая справа завершаная, вызначаныя 45 чалавек, і больш ня будзе. Пакуль складана сказаць, дзе, на якім рэгіёне мы зробім большы акцэнт. Зразумела, што асаблівая ўвага — на буйныя гарады, абласныя цэнтры, уласна Менск. Але нешта грунтоўна пакуль сказаць складана, трэба глядзець на сытуацыю».
А вось Партыя БНФ стаўку ў працэсе вылучэньня прадстаўнікоў для працы ў выбарчых камісіях робіць на вядомых людзей. Гаворыць старшыня партыі Аляксей Янукевіч:
«Канчатковая інфармацыя будзе напачатку наступнага тыдня, але паўсюль, дзе ў нас зарэгістраваныя структуры, мы вылучаем прадстаўнікоў у тэрытарыяльныя камісіі. Хацеў бы адзначыць, што перадусім мы вылучаем знакавых асобаў: такіх, прыкладам, як Юрась Хадыка, Лявон Баршчэўскі, Галіна Сямдзянава. Насамрэч, мы вельмі задаволеныя, што яны далі сваю згоду вылучыцца ў гэтыя камісіі і, безумоўна, для ўладаў гэта будзе моцны тэст. Таму што пра гэтых людзей ніяк нельга сказаць, што яны ня маюць досьведу, што яны не абазнаныя ў справе арганізацыі выбараў. Вось і праверым, наколькі праўдзіва можна ўспрымаць словы спадара Лазавіка».
Нягледзячы на тое, што экс-кандыдат у прэзыдэнты на выбарах 2006 году Аляксандар Мілінкевіч заявіў аб сваім няўдзеле ў сёлетняй кампаніі, ягоны рух «За Свабоду!» мае намер прысутнічаць у тэрытарыяльных камісіях. Праўда, як кажа намесьнік кіраўніка арганізацыі Юрась Губарэвіч, давядзецца туды ісьці вакольнымі шляхамі:
«У нас ёсьць папярэдняе рашэньне пра тое, што мы вылучаем сваіх людзей у выбарчыя камісіі. Аднак сытуацыя для руху „За Свабоду!“ не зьмянілася ад часу мясцовых выбараў, калі фактычна мы як арганізацыя ня здольныя былі вылучаць людзей ад імя арганізацыі. І ўсё таму, што мы ня маем ня сёньняшні дзень зарэгістраваных структураў у рэгіёнах Беларусі. Спроба зарэгістраваць абласную структуру ў Гомельскай вобласьці плёну ня мела, нам адмовілі. Таму будзем рэкамэндаваць сябрам руху „За Свабоду!“ прыватным чынам, праз збор подпісаў, падаваць заяўкі ў выбарчыя камісіі. Гэта адзіная для нас магчымасьць цяпер дасылаць сваіх людзей у камісіі. Ёсьць рашэньне, што мы сканцэнтруемся, вядома, на працы ўчастковых выбарчых камісій, якія непасрэдна займаюцца падлікам галасоў».
Леў Марголін, намесьнік старшыні Аб’яднанай грамадзянскай партыі і кіраўнік ініцыятыўнай групы кандыдата ў прэзыдэнта ад АГП Яраслава Раманчука расказвае, што партыйныя кандыдаты таксама будуць рэкамэндаваныя для працы ў камісіях:
«Нешта на гэты конт ужо вядома, але ж канчаткова мы яшчэ дадзеныя не падсумоўвалі, бо яшчэ і сёньня, і заўтра, і ў нядзелю будуць несьці пратаколы. Мы плянуем вылучыць людзей ва ўсе абласныя, менскую гарадзкую і ўва ўсе менскія раённыя выбарчыя камісіі. А таксама ў тыя раённыя камісіі, дзе ў нас ёсьць зарэгістраваныя арганізацыі. Будуць вылучацца таксама нашы прадстаўнікі і шляхам збору подпісаў, але ж гэта ўжо трохі іншая справа. То бок, мы будзем спрабаваць рабіць усё, што можна рабіць паводле закону, а далей будзем аналізаваць і рабіць высновы».
Вылучэньне прадстаўнікоў у склад тэрытарыяльных камісій працягнецца да 26 верасьня. Усяго па Беларусі да 29 верасьня трэба сфармаваць 155 такіх камісій.
Як і падчас папярэдніх палітычных кампаній, найбольш актыўная ў вылучэньні кандыдатаў у склад тэрытарыяльных выбарчых камісій Беларуская партыя левых «Справядлівы сьвет». Намесьнік старшыні партыі Валеры Ухналёў распавёў:
«Па сваёй партыі „Справядлівы сьвет“ магу сказаць: у нас вылучана 45 чалавек ва ўсе абласныя камісіі, менскую гарадзкую, а таксама раённыя і гарадзкія, кшталту Пінску, Баранавічаў і г.д. Гэтыя людзі ўчора-сёньня вылучаныя, дакумэнты здадзеныя. То бок, у нас гэтая справа завершаная, вызначаныя 45 чалавек, і больш ня будзе. Пакуль складана сказаць, дзе, на якім рэгіёне мы зробім большы акцэнт. Зразумела, што асаблівая ўвага — на буйныя гарады, абласныя цэнтры, уласна Менск. Але нешта грунтоўна пакуль сказаць складана, трэба глядзець на сытуацыю».
А вось Партыя БНФ стаўку ў працэсе вылучэньня прадстаўнікоў для працы ў выбарчых камісіях робіць на вядомых людзей. Гаворыць старшыня партыі Аляксей Янукевіч:
«Канчатковая інфармацыя будзе напачатку наступнага тыдня, але паўсюль, дзе ў нас зарэгістраваныя структуры, мы вылучаем прадстаўнікоў у тэрытарыяльныя камісіі. Хацеў бы адзначыць, што перадусім мы вылучаем знакавых асобаў: такіх, прыкладам, як Юрась Хадыка, Лявон Баршчэўскі, Галіна Сямдзянава. Насамрэч, мы вельмі задаволеныя, што яны далі сваю згоду вылучыцца ў гэтыя камісіі і, безумоўна, для ўладаў гэта будзе моцны тэст. Таму што пра гэтых людзей ніяк нельга сказаць, што яны ня маюць досьведу, што яны не абазнаныя ў справе арганізацыі выбараў. Вось і праверым, наколькі праўдзіва можна ўспрымаць словы спадара Лазавіка».
Нягледзячы на тое, што экс-кандыдат у прэзыдэнты на выбарах 2006 году Аляксандар Мілінкевіч заявіў аб сваім няўдзеле ў сёлетняй кампаніі, ягоны рух «За Свабоду!» мае намер прысутнічаць у тэрытарыяльных камісіях. Праўда, як кажа намесьнік кіраўніка арганізацыі Юрась Губарэвіч, давядзецца туды ісьці вакольнымі шляхамі:
«У нас ёсьць папярэдняе рашэньне пра тое, што мы вылучаем сваіх людзей у выбарчыя камісіі. Аднак сытуацыя для руху „За Свабоду!“ не зьмянілася ад часу мясцовых выбараў, калі фактычна мы як арганізацыя ня здольныя былі вылучаць людзей ад імя арганізацыі. І ўсё таму, што мы ня маем ня сёньняшні дзень зарэгістраваных структураў у рэгіёнах Беларусі. Спроба зарэгістраваць абласную структуру ў Гомельскай вобласьці плёну ня мела, нам адмовілі. Таму будзем рэкамэндаваць сябрам руху „За Свабоду!“ прыватным чынам, праз збор подпісаў, падаваць заяўкі ў выбарчыя камісіі. Гэта адзіная для нас магчымасьць цяпер дасылаць сваіх людзей у камісіі. Ёсьць рашэньне, што мы сканцэнтруемся, вядома, на працы ўчастковых выбарчых камісій, якія непасрэдна займаюцца падлікам галасоў».
Леў Марголін, намесьнік старшыні Аб’яднанай грамадзянскай партыі і кіраўнік ініцыятыўнай групы кандыдата ў прэзыдэнта ад АГП Яраслава Раманчука расказвае, што партыйныя кандыдаты таксама будуць рэкамэндаваныя для працы ў камісіях:
«Нешта на гэты конт ужо вядома, але ж канчаткова мы яшчэ дадзеныя не падсумоўвалі, бо яшчэ і сёньня, і заўтра, і ў нядзелю будуць несьці пратаколы. Мы плянуем вылучыць людзей ва ўсе абласныя, менскую гарадзкую і ўва ўсе менскія раённыя выбарчыя камісіі. А таксама ў тыя раённыя камісіі, дзе ў нас ёсьць зарэгістраваныя арганізацыі. Будуць вылучацца таксама нашы прадстаўнікі і шляхам збору подпісаў, але ж гэта ўжо трохі іншая справа. То бок, мы будзем спрабаваць рабіць усё, што можна рабіць паводле закону, а далей будзем аналізаваць і рабіць высновы».
Вылучэньне прадстаўнікоў у склад тэрытарыяльных камісій працягнецца да 26 верасьня. Усяго па Беларусі да 29 верасьня трэба сфармаваць 155 такіх камісій.