Сёньня ў Паўднёваафрыканскай рэспубліцы пачынаецца 19-ы чэмпіянат сьвету па футболе. Турнір упершыню было вырашана правесьці ў Афрыцы. За каго ці супраць каго будуць перажываць вядомыя ў нашай краіне асобы?
Сярод 32-х камандаў, якія возьмуць удзел у чэмпіянаце сьвету па футболе, ёсьць зборныя даволі экзатычных краінаў. Паўночная Карэя, Новая Зэляндыя, Гандурас — экзотыка для беларусаў ня толькі з футбольнага пункту гледжаньня.
Лідэрамі па колькасьці выйграных Кубкаў сьвету застаюцца бразыльцы, якія пяць разоў за гісторыю былі чэмпіёнамі. Чатыры разы трыюмфавалі італьянцы, тройчы перамагалі немцы. Дзейны чэмпіён сьвету — зборная Італіі.
Славакія — геаграфічна самая блізкая да Беларусі краіна, прадстаўленая на футбольным першынстве. Дык за каго ці супраць каго на сёлетнім чэмпіянаце будуць заўзець беларусы?
Генадзь Бураўкін, паэт: "А чаго "супраць"? Лепш хварэць "за" каго! Я, напрыклад, заўсёды любіў і люблю бразыльцаў за іх футбол, мне вельмі падабаюцца гішпанцы. Менш, але таксама падабаецца англійскі футбол. А супраць? Супраць тых, хто дрэнна гуляе, хто груба гуляе, хто ня ўмее".
Некаторыя вядомыя асобы ўвогуле першынство сьвету ў Паўднёвай Афрыцы глядзець не зьбіраюцца.
Аляксандар Кулінковіч, музыка: "Вы ведаеце, увогуле не цікаўлюся спортам і футболам у прыватнасьці. Нават глядзець ня буду".
Сьвятлана Зелянкоўская, акторка: "Ой, я ня ў тэме".
А вось што кажа тэлевядучая Элеанора Язерская: "Я дачакаюся таго часу, калі Беларусь будзе гуляць на чэмпіянаце сьвету. Спадзяюся, што дажыву да гэтага часу. Увогуле, футбалісты — гэта прыгожыя, такія накачаныя, сэксуальныя, пасьпяховыя, багатыя хлопцы. Нядаўна чытала ў сьвецкай хроніцы пра аднаго, паўабаронцу, здаецца, Гішпаніі".
Палітык Аляксандар Мілінкевіч таксама ніводнай камандзе на чэмпіянаце зла не жадае: "Шчыра кажучы, у мяне няма такой каманды, супраць каго я. Проста хочацца харошага футболу, атакуючага, адкрытага, як мага больш. Мая сымпатыя зь дзяцінства — да галяндцаў".
Віктар Ганчарэнка, галоўны трэнэр барысаўскага БАТЭ, традыцыйна будзе жадаць удачы Аргентыне, а "хварэць" супраць адмаўляецца: "Мне ўвогуле цяжка сказаць, што я супраць кагосьці магу "хварэць". Ёсьць Паўночная Карэя, але зь цяжкасьцю нават язык паварочваецца. Наадварот, цікава будзе паглядзець, што сабой уяўляе іх футбол".
З прывітальным словам да футбалістаў ды заўзятараў зьвярнуўся прэзыдэнт Паўднёвай Афрыкі Джейкаб Зума
Чэмпіянат пачаўся гульнёй паміж Паўднёвай Афрыкай і Мэксыкай
Удзельнікаў матчу вітаюць прэзыдэнт FIFA Сэп Блатэр і прэзыдэнт Паўднёвай Афрыкі Джейкаб Зума
Лідэрамі па колькасьці выйграных Кубкаў сьвету застаюцца бразыльцы, якія пяць разоў за гісторыю былі чэмпіёнамі. Чатыры разы трыюмфавалі італьянцы, тройчы перамагалі немцы. Дзейны чэмпіён сьвету — зборная Італіі.
Славакія — геаграфічна самая блізкая да Беларусі краіна, прадстаўленая на футбольным першынстве. Дык за каго ці супраць каго на сёлетнім чэмпіянаце будуць заўзець беларусы?
Генадзь Бураўкін, паэт: "А чаго "супраць"? Лепш хварэць "за" каго! Я, напрыклад, заўсёды любіў і люблю бразыльцаў за іх футбол, мне вельмі падабаюцца гішпанцы. Менш, але таксама падабаецца англійскі футбол. А супраць? Супраць тых, хто дрэнна гуляе, хто груба гуляе, хто ня ўмее".
Некаторыя вядомыя асобы ўвогуле першынство сьвету ў Паўднёвай Афрыцы глядзець не зьбіраюцца.
Аляксандар Кулінковіч, музыка: "Вы ведаеце, увогуле не цікаўлюся спортам і футболам у прыватнасьці. Нават глядзець ня буду".
Сьвятлана Зелянкоўская, акторка: "Ой, я ня ў тэме".
А вось што кажа тэлевядучая Элеанора Язерская: "Я дачакаюся таго часу, калі Беларусь будзе гуляць на чэмпіянаце сьвету. Спадзяюся, што дажыву да гэтага часу. Увогуле, футбалісты — гэта прыгожыя, такія накачаныя, сэксуальныя, пасьпяховыя, багатыя хлопцы. Нядаўна чытала ў сьвецкай хроніцы пра аднаго, паўабаронцу, здаецца, Гішпаніі".
Палітык Аляксандар Мілінкевіч таксама ніводнай камандзе на чэмпіянаце зла не жадае: "Шчыра кажучы, у мяне няма такой каманды, супраць каго я. Проста хочацца харошага футболу, атакуючага, адкрытага, як мага больш. Мая сымпатыя зь дзяцінства — да галяндцаў".
Віктар Ганчарэнка, галоўны трэнэр барысаўскага БАТЭ, традыцыйна будзе жадаць удачы Аргентыне, а "хварэць" супраць адмаўляецца: "Мне ўвогуле цяжка сказаць, што я супраць кагосьці магу "хварэць". Ёсьць Паўночная Карэя, але зь цяжкасьцю нават язык паварочваецца. Наадварот, цікава будзе паглядзець, што сабой уяўляе іх футбол".
З прывітальным словам да футбалістаў ды заўзятараў зьвярнуўся прэзыдэнт Паўднёвай Афрыкі Джейкаб Зума
Чэмпіянат пачаўся гульнёй паміж Паўднёвай Афрыкай і Мэксыкай
Удзельнікаў матчу вітаюць прэзыдэнт FIFA Сэп Блатэр і прэзыдэнт Паўднёвай Афрыкі Джейкаб Зума
