У суботу, 12 чэрвеня, сойм Партыі БНФ разгледзіць пытаньні далейшага сяброўства ў партыі шэрагу яе чальцоў. У прыватнасьці, магчыма, што будуць выключаныя з партыі актывісты «Моладзі БНФ»: Франак Вячорка, Андрусь Крэчка, Антон Койпіш і некаторыя іншыя.
З такой прапановай выступіў старшыня партыі Аляксей Янукевіч, які сваю ініцыятыву пракамэнтаваў гэтак:
«У партыі існуе шэраг асобаў, якія зьяўляюцца сябрамі партыі, але пры гэтым мэтанакіравана працуюць выключна на зьнішчэньне партыі і прычыненьне ёй як мага большай шкоды. Гаворка як пра інфармацыйную, так і пра матэрыяльную шкоду.
Гэтая сытуацыя ня можа быць пакінута без разгляду, і бліжэйшы сойм, які адбудзецца ў суботу, разгледзіць усе такія выпадкі. Што тычыцца пэўных прозьвішчаў, то прэтэнзіі тычацца ня толькі гэтых асобаў, але і шэрагу іншых. На маю думку, ёсьць відавочнае парушэньне рашэньняў пра захаваньне партыйнай дысцыпліны з боку 5-6 сябраў партыі.
Па кожным выпадку будуць свае прапановы і свае ацэнкі. Хто падчас сойму будзе выключаны з партыі, а хто ня будзе выключаны — можна будзе сказаць пасьля разгляду гэтай сытуацыі. Што тычыцца прэтэнзіяў, то я не хацеў бы паглыбляцца. Прэтэнзіі вельмі важкія, і насамрэч сябры сойму прымуць мудрае рашэньне на карысьць партыі».
Паводле Аляксея Янукевіча, магчыма, што разгляд кадравых пытаньняў пройдзе ў закрытым рэжыме, як гэта адбывалася падчас выключэньня з Партыі БНФ Алеся Міхалевіча ў чэрвені 2008 году. Сваё магчымае выключэньне з «Моладзі БНФ» адзін з актывістаў, Франак Вячорка, пракамэнтаваў наступным чынам:
«Мяне хочуць выключыць за антыпартыйную дзейнасьць. Калі для Янукевіча і кампаніі антыпартыйная дзейнасьць — змаганьне з Лукашэнкам, то правільна выключаюць. На мой погляд, цяперашняму кіраўніцтву варта дбаць пра прэзыдэнцкую кампанію, пра арганізацыю рэгіянальных структур і не ваяваць з моладзьдзю. Бо на сёньня ўсё, чым вызначылася цяперашняе кіраўніцтва, то гэта суцэльнымі скандаламі са старэйшымі фронтаўцамі, якіх проста выжылі зь сядзібы. А зараз яшчэ і „Моладзь БНФ“, якую ў сядзібу не пускаюць ужо некалькі месяцаў. „Моладзь БНФ“ зараз праводзіць свае рады на вуліцы».
«У партыі існуе шэраг асобаў, якія зьяўляюцца сябрамі партыі, але пры гэтым мэтанакіравана працуюць выключна на зьнішчэньне партыі і прычыненьне ёй як мага большай шкоды. Гаворка як пра інфармацыйную, так і пра матэрыяльную шкоду.
Гэтая сытуацыя ня можа быць пакінута без разгляду, і бліжэйшы сойм, які адбудзецца ў суботу, разгледзіць усе такія выпадкі. Што тычыцца пэўных прозьвішчаў, то прэтэнзіі тычацца ня толькі гэтых асобаў, але і шэрагу іншых. На маю думку, ёсьць відавочнае парушэньне рашэньняў пра захаваньне партыйнай дысцыпліны з боку 5-6 сябраў партыі.
Па кожным выпадку будуць свае прапановы і свае ацэнкі. Хто падчас сойму будзе выключаны з партыі, а хто ня будзе выключаны — можна будзе сказаць пасьля разгляду гэтай сытуацыі. Што тычыцца прэтэнзіяў, то я не хацеў бы паглыбляцца. Прэтэнзіі вельмі важкія, і насамрэч сябры сойму прымуць мудрае рашэньне на карысьць партыі».
Паводле Аляксея Янукевіча, магчыма, што разгляд кадравых пытаньняў пройдзе ў закрытым рэжыме, як гэта адбывалася падчас выключэньня з Партыі БНФ Алеся Міхалевіча ў чэрвені 2008 году. Сваё магчымае выключэньне з «Моладзі БНФ» адзін з актывістаў, Франак Вячорка, пракамэнтаваў наступным чынам:
«Мяне хочуць выключыць за антыпартыйную дзейнасьць. Калі для Янукевіча і кампаніі антыпартыйная дзейнасьць — змаганьне з Лукашэнкам, то правільна выключаюць. На мой погляд, цяперашняму кіраўніцтву варта дбаць пра прэзыдэнцкую кампанію, пра арганізацыю рэгіянальных структур і не ваяваць з моладзьдзю. Бо на сёньня ўсё, чым вызначылася цяперашняе кіраўніцтва, то гэта суцэльнымі скандаламі са старэйшымі фронтаўцамі, якіх проста выжылі зь сядзібы. А зараз яшчэ і „Моладзь БНФ“, якую ў сядзібу не пускаюць ужо некалькі месяцаў. „Моладзь БНФ“ зараз праводзіць свае рады на вуліцы».
