27 актывістак ініцыятыўнай групы “Жанчыны супраць беззаконьня ў судах і пракуратуры” чакаюць у будынку рэзыдэнцыі А. Лукашэнкі, што іх прыме кіраўнік адміністрацыі Ўладзімер Макей.
Пра гэта “Свабодзе” паведаміла праваабаронца Тамара Сяргей:
“Актывісткі прыйшлі раніцай на прыём да Ўладзімера Макея. Учора ім паведамілі, што прыём будзе дакладна, а сёньня ўжо аказалася, што яго перанесьлі. Жанчыны з адміністрацыі не сышлі, усе 27 актывістак дагэтуль чакаюць. Такое ўжо было 17 верасьня, і вось цяпер паўтараецца. Мяркую, чыноўнікі альбо ня хочуць дапусьціць грамадзянак на прыём да кіраўніка адміністрацыі, альбо наўмысна дыскрэдытуюць уладу”, — мяркуе Тамара Сяргей.
Ініцыятыва “Жанчыны супроць беззаконьня ў судах і пракуратуры” аб’ядноўвае больш за 100 грамадзянак Беларусі, які дамагаюцца перагляду судовых спраў, якія лічаць неабгрунтаванымі. Сёлета актывісткі марна спрабавалі атрымаць прыём у старшыні Вярхоўнага суду, генэральнага пракурора ды іншых службовых асобаў. Паводле актывістак ініцыятывы, на свае пісьмовыя скаргі яны атрымліваюць фармальныя адказы.
Актывісткі ініцыятывы «Жанчыны супроць беззаконьняў у судах і пракуратуры» так і не дачакаліся прыёму ў кіраўніка адміністрацыі Ўладзімера Макея. «Каля 17 гадзіны да нас выйшаў кіраўнік прыёмнай прэзыдэнта Пётар Катушкін і паведаміў, што ў адміністрацыі адносна праблем, на якія скардзяцца жанчыны, падрыхтаваная дакладная запіска, якая «будзе перададзеная кіраўніку дзяржавы», — паведаміла «Свабодзе» праваабаронца Тамара Сяргей. Ці праводзіў сёньня прыём грамадзянаў кіраўнік адміністрацыі Ўладзімер Макей, праваабаронцы невядома.
“Актывісткі прыйшлі раніцай на прыём да Ўладзімера Макея. Учора ім паведамілі, што прыём будзе дакладна, а сёньня ўжо аказалася, што яго перанесьлі. Жанчыны з адміністрацыі не сышлі, усе 27 актывістак дагэтуль чакаюць. Такое ўжо было 17 верасьня, і вось цяпер паўтараецца. Мяркую, чыноўнікі альбо ня хочуць дапусьціць грамадзянак на прыём да кіраўніка адміністрацыі, альбо наўмысна дыскрэдытуюць уладу”, — мяркуе Тамара Сяргей.
Ініцыятыва “Жанчыны супроць беззаконьня ў судах і пракуратуры” аб’ядноўвае больш за 100 грамадзянак Беларусі, які дамагаюцца перагляду судовых спраў, якія лічаць неабгрунтаванымі. Сёлета актывісткі марна спрабавалі атрымаць прыём у старшыні Вярхоўнага суду, генэральнага пракурора ды іншых службовых асобаў. Паводле актывістак ініцыятывы, на свае пісьмовыя скаргі яны атрымліваюць фармальныя адказы.
Актывісткі ініцыятывы «Жанчыны супроць беззаконьняў у судах і пракуратуры» так і не дачакаліся прыёму ў кіраўніка адміністрацыі Ўладзімера Макея. «Каля 17 гадзіны да нас выйшаў кіраўнік прыёмнай прэзыдэнта Пётар Катушкін і паведаміў, што ў адміністрацыі адносна праблем, на якія скардзяцца жанчыны, падрыхтаваная дакладная запіска, якая «будзе перададзеная кіраўніку дзяржавы», — паведаміла «Свабодзе» праваабаронца Тамара Сяргей. Ці праводзіў сёньня прыём грамадзянаў кіраўнік адміністрацыі Ўладзімер Макей, праваабаронцы невядома.