У аптэкі Менску пачалі паступаць антывірусныя мэдычныя прэпараты, але іх колькасьці недастаткова, каб задаволіць попыт. Тым часам колькасьць выяўленых хворых на вірус грыпу A(H1N1) у Беларусі, паводле афіцыйных зьвестак, на сёньня складае 128 чалавек.
Вялікія чэргі ў менскіх аптэках зьмяніліся на меншую, але сталую колькасьць наведнікаў. Перадусім людзі цікавяцца лекамі супраць прастуды і грыпу, а таксама для прафіляктыкі гэтых захворваньняў. У аптэцы № 5 супрацьвірусныя прэпараты зьявіліся на некаторы час, і іх адразу ж раскупілі, паведаміла фармацэўт Кацярына Курдзюк:
“Учора ўвечары быў расейскі арбедол, але ўжо яго няма. Арбедол, арпетол, ангрымакс паступаў, рэмантадын — няма нічога. Адразу ўсё разьбіраюць. Замаўляем, але ж іх на заводах няма. Як завод зробіць, так нам і дадуць”.
Наведнікі аптэк таксама сьведчаць пра ранейшы недахоп лекаў:
Карэспандэнтка:”Ці набылі вы патрэбныя лекі?”
Спадарыня: “Мне патрэбны леватэраксін, і я яго не набыла. Пыталася ў аптэках і сёньня, і ўчора інтэрфэрон — таксама няма. Набыла арпетол расейскі ўчора і прымаю як прафіляктычны сродак”.
Спадарыня: “Я ўжо з пнэўманіяй. Лекаў няма тых, што выпісаў мне лекар. Тэлефанавала на “гарачую лінію” Міністэрства аховы здароўя. А мне мужчына на гэтай гарачай лініі міністэрства сказаў: а пры чым тут я? Што, я вам буду лекі шукаць? Я хацела нават самому міністру патэлефанаваць, бо ён па тэлебачаньні кажа адно, а насамрэч гэтага і блізка няма”.
У Міністэрстве аховы здароўя такое становішча чыноўнікі камэнтаваць адмаўляюцца. Сёньня не адказвалі на тэлефанаваньні нават супрацоўнікі прэсавай службы. Інфармацыя пра эпідэміялягічнае становішча ў Беларусі на інтэрнэт-сайце міністэрства не абнаўлялася ад пятніцы, 6 лістапада. Тым часам, паводле афіцыйнай інфармацыі, колькасьць захворваньняў на сьвіны грып на сёньня складае 128 выпадкаў. Прычым улік хворых на вірус A(H1N1) у Беларусі вядзецца не зь сярэдзіны кастрычніка, як пра гэта заяўлялі чыноўнікі ад мэдыцыны, а значна раней, паведаміў “Свабодзе” выканаўца абавязкаў дырэктара Рэспубліканскага навукова-практычнага цэнтру эпідэміялёгіі і мікрабіялёгіі Аляксандар Пяткевіч:
“Усяго ад жніўня месяца, па-мойму, ад 18 жніўня, калі паступілі першыя зьвесткі, усяго захварэлі 128 чалавек. У тым ліку за пэрыяд эпідэміялягічнага пад'ёму — 102 выпадкі. Але зараз ідзе на спад. Захворвальнасьць за апошнія два-тры дні, магчыма, нават чатыры, яна зьмяншаецца штодня”.
Як паведаміў Аляксандар Пяткевіч, эпідэміёлягі чакаюць некалькі хваляў уздыму захворваньняў на грып, у тым ліку сьвіны. Таму, паводле папярэдніх дамоўленасьцяў, на пачатку сьнежня ў Беларусі можа зьявіцца вакцына для прышчэпак супраць вірусу грыпу A(H1N1). Сёньня ж можна зрабіць платную прышчэпку супраць іншых відаў грыпу, аднак ня ўсе мэдычныя ўстановы краіны маюць патрэбную вакцыну.
“Учора ўвечары быў расейскі арбедол, але ўжо яго няма. Арбедол, арпетол, ангрымакс паступаў, рэмантадын — няма нічога. Адразу ўсё разьбіраюць. Замаўляем, але ж іх на заводах няма. Як завод зробіць, так нам і дадуць”.
Наведнікі аптэк таксама сьведчаць пра ранейшы недахоп лекаў:
Карэспандэнтка:”Ці набылі вы патрэбныя лекі?”
Спадарыня: “Мне патрэбны леватэраксін, і я яго не набыла. Пыталася ў аптэках і сёньня, і ўчора інтэрфэрон — таксама няма. Набыла арпетол расейскі ўчора і прымаю як прафіляктычны сродак”.
Спадарыня: “Я ўжо з пнэўманіяй. Лекаў няма тых, што выпісаў мне лекар. Тэлефанавала на “гарачую лінію” Міністэрства аховы здароўя. А мне мужчына на гэтай гарачай лініі міністэрства сказаў: а пры чым тут я? Што, я вам буду лекі шукаць? Я хацела нават самому міністру патэлефанаваць, бо ён па тэлебачаньні кажа адно, а насамрэч гэтага і блізка няма”.
У Міністэрстве аховы здароўя такое становішча чыноўнікі камэнтаваць адмаўляюцца. Сёньня не адказвалі на тэлефанаваньні нават супрацоўнікі прэсавай службы. Інфармацыя пра эпідэміялягічнае становішча ў Беларусі на інтэрнэт-сайце міністэрства не абнаўлялася ад пятніцы, 6 лістапада. Тым часам, паводле афіцыйнай інфармацыі, колькасьць захворваньняў на сьвіны грып на сёньня складае 128 выпадкаў. Прычым улік хворых на вірус A(H1N1) у Беларусі вядзецца не зь сярэдзіны кастрычніка, як пра гэта заяўлялі чыноўнікі ад мэдыцыны, а значна раней, паведаміў “Свабодзе” выканаўца абавязкаў дырэктара Рэспубліканскага навукова-практычнага цэнтру эпідэміялёгіі і мікрабіялёгіі Аляксандар Пяткевіч:
“Усяго ад жніўня месяца, па-мойму, ад 18 жніўня, калі паступілі першыя зьвесткі, усяго захварэлі 128 чалавек. У тым ліку за пэрыяд эпідэміялягічнага пад'ёму — 102 выпадкі. Але зараз ідзе на спад. Захворвальнасьць за апошнія два-тры дні, магчыма, нават чатыры, яна зьмяншаецца штодня”.
Як паведаміў Аляксандар Пяткевіч, эпідэміёлягі чакаюць некалькі хваляў уздыму захворваньняў на грып, у тым ліку сьвіны. Таму, паводле папярэдніх дамоўленасьцяў, на пачатку сьнежня ў Беларусі можа зьявіцца вакцына для прышчэпак супраць вірусу грыпу A(H1N1). Сёньня ж можна зрабіць платную прышчэпку супраць іншых відаў грыпу, аднак ня ўсе мэдычныя ўстановы краіны маюць патрэбную вакцыну.