Старшыня БСДП “Грамада” Анатоль Ляўковіч пазытыўна ацаніў апошняе рашэньне Рады Эўразьвязу па Беларусі, зыходзячы са стратэгічных мэтаў інтэграцыі Беларусі ў Эўропу.
“У любым выпадку я вітаю працэс збліжэньня Беларусі з Эўразьвязам. Другая справа, што ёсьць сумневы ў тым, як гэта будзе рабіцца. Але ў палітыцы, як і ў жыцьці, не заўжды ўсё адбываецца так, як плянуецца. Але я бачу імкненьне Эўразьвязу да таго, каб Беларусь адкрывалася Эўропе. І гэта на карысьць краіне і 10-мільённаму народу”.