Гарадзенскія швейныя прадпрыемствы, якія вырабляюць спэцвопратку, значна скарацілі вытворчасьць.
Дырэктар гарадзенскага вытворчага каапэратыву “Вэтэран” Міхаіл Корачкін кажа, што шыцьцё спэцвопраткі даводзіцца скарачаць толькі з адной прычыны — замоўцы ня плацяць за тавар.
Корачкін: “Вымушаны спыняць вытворчасьць. Ну вось праблемы з пачатку году: студзень, люты, а вось у сьнежні яшчэ нармальна працавалі. Ну, бюджэт ім ня плаціць, і яны вымушаны затрымліваць аплаты нам”.
На швейнай вытворчасьці каапэратыву “Вэтэран” працуюць 20 работніц. У асноўным спэцвопратку яны шыюць для бюджэтных арганізацый. Са слоў спадара Корачкіна, аб’ёмы продажу скараціліся з пачатку году на 30%.
На падобным невялічкім прыватным прадпрыемстве “Сябры” таксама шыюць спэцвопратку па індывідуальных заказах.
Дырэктарка, спадарыня Людміла, кажа, што канкурэнцыю па якасьці прадукцыі яны вытрымліваюць, але існуе шмат іншых праблемаў, з-за якіх даводзіцца скарачаць вытворчасьць.
“Арэнда павялічылася, паколькі прывязаная да курса валюты й пакуль ніхто не зьбіраецца яе зьніжаць, — кажа дырэктарка. — Электраэнэргія купляецца ў Расеі за расейскія рублі. Расейскі рубель падае, а нам рахункі выстаўляюць у далярах. У нас у паўтара раза павялічыліся выдаткі”.
“Сябры” шыюць спэцвопратку як для дзяржаўных, так і прыватных прадпрыемстваў. Разьлікі затрымліваюць і тыя, і другія. Дырэктарка кажа:
“І ААТ, і ІП, і дзяржпрадпрыемствы, а зь імі асабліва цяжка, паколькі яны разьлічваюцца праз казначэйства, дык і грошы наагул позна прыходзяць”.
Кіраўнікі прадпрыемстваў па шыцьці спэцвопраткі кажуць, што калі так і далей будуць ісьці справы, то рабочыя на прадпрыемствах могуць застацца без спэцвопраткі.
Корачкін: “Вымушаны спыняць вытворчасьць. Ну вось праблемы з пачатку году: студзень, люты, а вось у сьнежні яшчэ нармальна працавалі. Ну, бюджэт ім ня плаціць, і яны вымушаны затрымліваць аплаты нам”.
На швейнай вытворчасьці каапэратыву “Вэтэран” працуюць 20 работніц. У асноўным спэцвопратку яны шыюць для бюджэтных арганізацый. Са слоў спадара Корачкіна, аб’ёмы продажу скараціліся з пачатку году на 30%.
На падобным невялічкім прыватным прадпрыемстве “Сябры” таксама шыюць спэцвопратку па індывідуальных заказах.
Дырэктарка, спадарыня Людміла, кажа, што канкурэнцыю па якасьці прадукцыі яны вытрымліваюць, але існуе шмат іншых праблемаў, з-за якіх даводзіцца скарачаць вытворчасьць.
“Арэнда павялічылася, паколькі прывязаная да курса валюты й пакуль ніхто не зьбіраецца яе зьніжаць, — кажа дырэктарка. — Электраэнэргія купляецца ў Расеі за расейскія рублі. Расейскі рубель падае, а нам рахункі выстаўляюць у далярах. У нас у паўтара раза павялічыліся выдаткі”.
“Сябры” шыюць спэцвопратку як для дзяржаўных, так і прыватных прадпрыемстваў. Разьлікі затрымліваюць і тыя, і другія. Дырэктарка кажа:
“І ААТ, і ІП, і дзяржпрадпрыемствы, а зь імі асабліва цяжка, паколькі яны разьлічваюцца праз казначэйства, дык і грошы наагул позна прыходзяць”.
Кіраўнікі прадпрыемстваў па шыцьці спэцвопраткі кажуць, што калі так і далей будуць ісьці справы, то рабочыя на прадпрыемствах могуць застацца без спэцвопраткі.