Выпіў… і на казаньне

Міліцыя Завадзкога раёну Менску хоча вазіць выпівохаў у царкву.

“Мы будзем адвозіць у царкву на казаньне ўсіх жыхароў раёну, якія вядуць асацыяльны лад жыцьця, якія добраахвотна вырашылі паслухаць казаньне сьвятара”, - паведаміла Інтэрфаксу прэсавы афіцэр Заводзкага РУЎС Менску Анжэліка Гурыновіч.

“Аўтобус будзе хадзіць ад Завадзкога РУЎС. Першы рэйс заплянаваны на 18 лютага. У дадзены момант міліцыя вядзе перамовы, каб прадаставілі транспарт для паездкі ў царкву”, - дадала Гурыновіч.