Намесьнік старшыні БНФ Вінцук Вячорка мяркуе, што газавы канфлікт ужо нанёс страты Ўкраіне, якая імкнецца да інтэграцыі з Эўропай, у тым ліку ў вайсковым пляне. Паводле Вінцука Вячоркі, гэта і ёсьць адна з мэтаў тых, хто справакаваў канфлікт.
“Бясспрэчна, гэта сцэнар расейскі. Адна з задач гэтага сцэнару ў тым, каб паказаць Украіне яе месца. Дарэчы, учорашняя дыскусія ў Вярхоўнай Радзе Ўкраіны ўжо паказала, што прарасейскія сілы там заварушыліся. Таксама стаіць задача паказаць, наколькі без Расеі ня зможа абысьціся аб’яднаная Эўропа, каб падштурхнуць Эўропу да лібэральнічаньня з Расеяй і да згоды на пабудову гэтак званых альтэрнатыўных газаправодаў”.