З дэвальвацыяй беларускага рубля на рынках і ў крамах пачаўся рост цэнаў на самыя розныя тавары. За яго дынамікай на рынках Горадні сачыў карэспандэнт Свабоды.
На гарадзенскім рынку “Цэнтральны” адразу кідаецца ў вочы, што вырасьлі кошты на мандарыны, апэльсіны ды іншыя цытрусавыя. Цана вырасла на тысячу, а дзе-нідзе і на паўтары.
Рост коштаў, як пакупнікі, так і гандляры адназначна зьвязваюць з дэвальвацыяй беларускага рубля.
Прадпрымальнік Андрэй зьвяртае маю ўвагу, што цэны падскочылі ня толькі на цытрусавыя, але амаль на ўсе харчовыя тавары, якія імпартуюцца з-за мяжы.
Андрэй: “Гэта яшчэ гарбата, кава, кансэрвы. Да новага году я купляў тушонку за 6 тысяч, а зараз ужо за сем. Кошт макаронаў трошкі падвысіўся, пячэньня й г.д”.
Праўда, спадар дадае, што кожны з гандляроў спрабуе па-свойму падвышаць кошты, каб ня страціць пакупніка. Зь яго слоў, калі ў аднаго кошты падскочылі ўжо на 20%, то ў іншага толькі на 5-10%.
Другі прадпрымальнік, Анатоль, гаворачы пра цэны на прамысловыя тавары, зьвяртае ўвагу, што рост цэнаў адбыўся, але менш значны, чым на прадуктовыя тавары.
Анатоль: “Тыя, хто гандлюе прамысловымі таварамі, нават імпартнымі, коштаў амаль не падымаюць, працягваюць працаваць на маленькай маржы. Гандляры тонка адчуваюць, што з павялічэньнем коштаў попыт можа зусім зьнізіцца”.
Падсумоўваючы сытуацыю з ростам цэнаў, былы лідэр прадпрымальніцкага руху на рынку Валер Леванеўскі кажа, што рост цэнаў цяпер, як на імпартныя так і на айчынныя тавары, адбыўся толькі ў прыватнага бізнэса, паколькі ён здольны хутка рэагаваць на дэвальвацыю рубля.
Што ж датычыць дзяржаўных крамаў, то Леванеўскі кажа, што там адрэагуюць на гэта не раней, як з завозам новага тавару. Але ён лічыць, што гэта зручны час і для дзяржаўнага гандлю, паколькі людзі па старых цэнах падчысьцяць склады з заляжалым таварам.
Леванеўскі: “Я б сказаў так: сёньня час набываць беларускія тавары доўгатэрміновага карыстаньня, хто хоча такія набыць. Справа ў тым, што празь некалькі тыдняў кошты на іх вырастуць на 20-30%”.
Мяне цікавіць, што будзе адбывацца з цэнамі ў далейшым. Прадпрымальнік Андрэй кажа, што людзі адчуюць падвышэньне коштаў, калі гандляры пачнуць завозіць новыя партыі тавараў.
Андрэй: “Вось глядзіце: да прыкладу 30 даляраў было 66 тысяч. Цяпер па курсу 2700 ужо 81 тысяча, дадайце падатак. Гэта ўжо кошт аднае рэчы вырасьце больш як на 20 тысяч, альбо на 10 даляраў”.
Рост коштаў, як пакупнікі, так і гандляры адназначна зьвязваюць з дэвальвацыяй беларускага рубля.
Прадпрымальнік Андрэй зьвяртае маю ўвагу, што цэны падскочылі ня толькі на цытрусавыя, але амаль на ўсе харчовыя тавары, якія імпартуюцца з-за мяжы.
Андрэй: “Гэта яшчэ гарбата, кава, кансэрвы. Да новага году я купляў тушонку за 6 тысяч, а зараз ужо за сем. Кошт макаронаў трошкі падвысіўся, пячэньня й г.д”.
Праўда, спадар дадае, што кожны з гандляроў спрабуе па-свойму падвышаць кошты, каб ня страціць пакупніка. Зь яго слоў, калі ў аднаго кошты падскочылі ўжо на 20%, то ў іншага толькі на 5-10%.
Другі прадпрымальнік, Анатоль, гаворачы пра цэны на прамысловыя тавары, зьвяртае ўвагу, што рост цэнаў адбыўся, але менш значны, чым на прадуктовыя тавары.
Анатоль: “Тыя, хто гандлюе прамысловымі таварамі, нават імпартнымі, коштаў амаль не падымаюць, працягваюць працаваць на маленькай маржы. Гандляры тонка адчуваюць, што з павялічэньнем коштаў попыт можа зусім зьнізіцца”.
Падсумоўваючы сытуацыю з ростам цэнаў, былы лідэр прадпрымальніцкага руху на рынку Валер Леванеўскі кажа, што рост цэнаў цяпер, як на імпартныя так і на айчынныя тавары, адбыўся толькі ў прыватнага бізнэса, паколькі ён здольны хутка рэагаваць на дэвальвацыю рубля.
Што ж датычыць дзяржаўных крамаў, то Леванеўскі кажа, што там адрэагуюць на гэта не раней, як з завозам новага тавару. Але ён лічыць, што гэта зручны час і для дзяржаўнага гандлю, паколькі людзі па старых цэнах падчысьцяць склады з заляжалым таварам.
Леванеўскі: “Я б сказаў так: сёньня час набываць беларускія тавары доўгатэрміновага карыстаньня, хто хоча такія набыць. Справа ў тым, што празь некалькі тыдняў кошты на іх вырастуць на 20-30%”.
Мяне цікавіць, што будзе адбывацца з цэнамі ў далейшым. Прадпрымальнік Андрэй кажа, што людзі адчуюць падвышэньне коштаў, калі гандляры пачнуць завозіць новыя партыі тавараў.
Андрэй: “Вось глядзіце: да прыкладу 30 даляраў было 66 тысяч. Цяпер па курсу 2700 ужо 81 тысяча, дадайце падатак. Гэта ўжо кошт аднае рэчы вырасьце больш як на 20 тысяч, альбо на 10 даляраў”.