Найбуйнейшы беларускі банк ААТ “ААБ Беларусбанк” з 8 сьнежня спыніў крэдытаваньне куплі жыльля, паведамляе Інтэрфакс са спасылкай на банк.
Цяпер “Беларусбанк” крэдытуе толькі будаўніцтва жыльля — для тых, хто стаіць у чарзе на паляпшэньне жыльлёвых умоваў.
Таксама ў банку паведамілі, што рашэньне выключыць крэдытаваньне куплі жыльля на другасным рынку зь пераліку паслуг было прынятае ўпраўленьнем “Беларусбанку” пасьля аналізу рынку крэдытаваньня жыльля і яго аб'ёмаў.
Спажывецкія крэдыты “Беларусбанк” выдае цяпер толькі на тэрмін да 1 году і толькі ў беларускіх рублях.
Іншыя беларускія банкі таксама ўвялі абмежаваньні па выдачы крэдытаў насельніцтву.