Пуцін і Сідорскі абмеркавалі гандлёва-эканамічныя адносіны дзьвюх краін
Пытаньні гандлёва-эканамічнага ўзаемадзеяньня Расеі й Беларусі абмеркавалі 12 сьнежня ў Маскве прэм’ер-міністры дзьвюх краін Сяргей Сідорскі й Уладімер Пуцін, паведаміла РІА “Новості” са спасылкай на прэс-сакратара кіраўніка расейскага ўраду Дзьмітрыя Пяскова.
Падрабязнасьці перамоў не паведамляюцца.
Сустрэча прэм’ер-міністраў прайшла ў межах пасяджэньня Міждзяржаўнай рады ЭўрАзЭС, куды ўваходзяць таксама Казахстан, Кыргызстан і Таджыкістан. З арганізацыі выйшаў Узбэкістан.
ЭўрАзЭС — міжнародная эканамічная арганізацыя, якая займаецца фармаваньнем агульных зьнешніх мытных межаў, выпрацоўкай адзінай зьнешнеэканамічнай палітыкі, тарыфаў, цэнаў і іншых складнікаў агульнага рынку. Арганізацыя стала пераемніцай колішняга Мытнага зьвязу.
Пытаньні гандлёва-эканамічнага ўзаемадзеяньня Расеі й Беларусі абмеркавалі 12 сьнежня ў Маскве прэм’ер-міністры дзьвюх краін Сяргей Сідорскі й Уладімер Пуцін, паведаміла РІА “Новості” са спасылкай на прэс-сакратара кіраўніка расейскага ўраду Дзьмітрыя Пяскова.
Падрабязнасьці перамоў не паведамляюцца.
Сустрэча прэм’ер-міністраў прайшла ў межах пасяджэньня Міждзяржаўнай рады ЭўрАзЭС, куды ўваходзяць таксама Казахстан, Кыргызстан і Таджыкістан. З арганізацыі выйшаў Узбэкістан.
ЭўрАзЭС — міжнародная эканамічная арганізацыя, якая займаецца фармаваньнем агульных зьнешніх мытных межаў, выпрацоўкай адзінай зьнешнеэканамічнай палітыкі, тарыфаў, цэнаў і іншых складнікаў агульнага рынку. Арганізацыя стала пераемніцай колішняга Мытнага зьвязу.